St Michael School

20/10/2026

Situation Vacant
Full-Time Learning Support Educator on a definite contract basis.

Applicants must meet the following minimum requirements:
- 20 week LSE course or
- Any subject at Advanced Matriculation Level (A Level)
- An Ordinary Level (O Level) pass in English language, Mathematics, and Maltese
- An additional Ordinary Level (O Level) pass in any other subject.

Applicants may send a detailed CV to the Board of Directors via email at [email protected] by not later than Friday, 30th October 2026.

20/10/2026

L-istudenti tal-Matematika tat-Tmien Sena poġġew fil-prattika l-għarfien tagħhom dwar ir-regoli tal-BIDMAS permezz ta' puzzle matematika.

L-istudenti ħadmu fi gruppi u għenu lil xulxin biex ikunu l-ewwel tim li jsolvi l-problemi u jgħaqqad il-biċċiet kollha tal-puzzle!

Prosit lit-timijiet kollha!

---

Year 8 maths students practiced their knowledge on BIDMAS rules with directed numbers in a hands on mathematical puzzle.

Students worked in teams and helped each other to be the first team to solve the problems and connect the puzzle!

Well done to all the teams!

15/10/2026

L-Erbgħa 14 t’Ottubru saret iċ-Ċerimonja tal-Għoti tal-Premjijiet lil dawk il-Kunsilli tal-Istudenti li rsistew u stinkaw tul is-sena skolastika 2025/26. Iċ-ċerimonja saret fil-binja tal-Università l-antika fil-Belt. Wayne Vella u Zack Silvio mill-Year 11 u Benġamin Mifsud mill-Year 10 irrappreżentaw il-Kunsill tal-Istudenti tal-iskola tagħna. Il-programm kien jinkludi filmat b’diversi attivitajiet li ħadmu fuqhom il-Kunsilli fl-iskejjel rispettivi tagħhom, panel ta’ 4 studenti minn skejjel differenti, li fih ipparteċipa l-istudent tagħna Wayne Vella, l-għoti tal-premjijiet, waqfa u workshop. Il-Kunsill tal-iskola tagħna ngħata ċ-ċertifikat ta’ eċċellenza fil-grad tal-fidda. Filwaqt li nirringrazzjaw u nifirħu lill-istudenti membri tal-Kunsill tas-sena l-oħra, nirringrazzjaw lil Ms Borg Vella u Ms Smith li mexxew l-istudenti tul is-sena. Nawguraw ħafna suċċess lill-Kunsill il-ġdid, li se jkun immexxi minn Ms Abdilla u s-Sur Parascandalo, li llum ukoll akkumpanjaw lill-istudenti tagħna.

09/10/2026

09/10/2026

Ottubru ma Marija u San Franġisk

Matul din l-ewwel ġimgħa ta' Ottubru, it-Tim taċ-Chaplaincy ħaseb sabiex f'din l-ewwel ġimgħa tax-xahar niċċelebraw il-festa tal-Madonna tar-Rużarju kif ukoll dik ta' San Franġisk t'Assisi.

Nhar it-Tnejn u t-Tlieta, il-klassijiet tas-7 u t-8 sena tlabu r-Rużarju flimkien waqt il-lezzjonijiet tar-reliġjon. Nhar l-Erbgħa 7 ta' Ottubru, propju nhar il-festa, wara l-quddiesa ta' filgħodu, tqassmet kuruna tar-Rużarju lil kulħadd.

Nhar l-Erbgħa wkoll iċċelebrajna l-festa ta' San Franġisk t'Assisi. Il-klassijiet kollha kellhom iċ-ċans li jiltaqgħu ma patri Franġiskan li tkellem dwar il-ħajja ta' San Franġisk kif ukoll dwar il-ħajja ta' kuljum ta' patri Franġiskan. Nirringrazzjaw lil Patri Andrew Galea u Patri Ivan Scicluna li ġew ikellmu lill-istudenti tagħna.

Mill-qalb nirringrazzjaw lit-Tim taċ-Chaplaincy tal-organizzazzjoni.

08/10/2026

Fil-ġimgħat li għaddew, saru l-laqgħat għall-ġenituri tal-istudenti kollha fil-bidu tas-sena.
Nhar il-Ġimgħa 25 ta' Settembru ilqajna lill-ġenituri u lill-istudenti tas-7 sena għall-ewwel laqgħa tagħhom fl-iskola, fejn anke kellhom iċ-ċans li jsiru jafu lil xulxin.
Nhar il-Ġimgħa 2 ta' Ottubru filgħodu saret laqgħa għall-ġenituri u l-istudenti tal-11 -il sena. Din kienet laqgħa ta' formazzjoni mmexxija mill-guidance teachers kif ukoll laqgħa ta' informazzjoni dwar l-eżamijiet tas-SEC.
Dakinhar filgħaxija saret laqgħa għall-ġenituri tal-istudenti tat-8, 9 u l-10 sena li fiha saru sessjonijiet ta' informazzjoni u formazzjoni.
Nirringrazzjaw lill-ġenituri għall-attendenza tagħhom, kif ukoll lill-edukaturi kollha li għenu f'dawn il-laqgħat.

30/09/2026

Ilbieraħ bdiet is-sena skolastika għall-istudenti mit-8 sal-11 -il sena. Fl-istess ġurnata, iċċelebrajna wkoll il-festa ta' San Mikiel, qaddis patrun tal-iskola. Wara l-quddiesa flimkien fis-sala, l-istudenti ltaqgħu mad-Deputat Kap tas-sena tagħhom. Wara kulħadd niżel fil-bitħa fejn kilna biċċa timpana tajba u wara kompliet il-ġurnata bl-ewwel laqgħat tal-għalliema mal-istudenti.
Inkomplu nitolbu għall-komunita' tal-iskola tagħna, bl-interċessjoni ta' San Mikiel.

29/09/2026

Wara li l-ġimgħa l-oħra daħal lura l-istaff akkademiku, ilbieraħ ilqajna fostna lill-grupp il-ġdid tal-istudenti tal-Year 7. Il-ġurnata kienet iddedikataha kollha għalihom fejn huma pparteċipaw fil-quddiesa mal-istaff, laqgħat mad-Deputat Kap tal-Iskola u mal-għalliema, dawra mal-iskola, kwizz dwar l-iskola kif ukoll team building activity. Nawgurawlhom minn qalbna u nitolbu għalihom!

24/09/2026

Bl-għajnuna t’Alla, illum bdiet sena skolastika oħra. L-istaff akkademiku rritorna lura wara l-vaganzi tas-sajf. Il-ġurnata bdiet b’quddiesa animata mill-membri tal-istaff segwita minn messaġġ mingħand id-Direttur is-Sur Joseph Gauci fejn introduċa wkoll l-istaff il-ġdid li ngħaqad magħna. Wara, is-Surmast tkellem mal-istaff fuq proċeduri u prijoritajiet għas-sena skolastika. Wara waqfa għall-break, id-Deputati Kapijiet tkellmu fuq aspetti differenti tal-ħajja tal-iskola.

Nitolbu lil Alla permezz ta’ San Mikiel u ta’ Ommna Marija sabiex bl-għajnuna tiegħu ikollna sena li tkun ta’ ġid għal kull membru fil-komunita’ tagħna.