27/09/2026
the hidden agenda is gradually coming out
Adeyanju ya zargi Obi da Kwankwaso da yi wa Tinubu aiki a ɓoye
Mai rajin kare haƙƙin bil’adama, Deji Adeyanju, ya zargi ɗan takarar shugaban ƙasa na jam’iyyar NDC, Peter Obi, da abokin takararsa, Rabiu Kwankwaso, da yin aiki a ɓoye domin amfanin Shugaba Bola Tinubu.
Adeyanju ya bayyana hakan ne a wani saƙo da ya wallafa a shafinsa na X ranar Asabar.
Ya yi zargin cewa Obi da Kwankwaso na maimaita abin da ya ce sun yi a zaɓen shugaban ƙasa na 2023, inda ya yi kira ga masu zaɓe da kada su sake ba su ƙuri’a.
Ya ce, “Peter Obi da Kwankwaso suna aiki ne domin Tinubu kamar yadda s**a yi a 2023. Kada ku sake ɓata ƙuri’arku a kansu kamar yadda kuka yi a 2023.
“Ƙuri’ar da aka ba su ƙuri’a ce ga Bola Tinubu da APC. Sun san ainihin abin da suke yi.”
Adeyanju ya daɗe yana s**ar Obi, inda yake zarginsa da rashin gaskiya da kuma gazawa wajen gudanar da ayyukan gwamnati.
Rahotanni sun ce Obi ya shigar da ƙarar neman diyya ta Naira biliyan 1.5 kan Adeyanju a babbar kotun jihar Anambra da ke Onitsha a watan Oktoban 2025, bisa zargin ɓata masa suna.
Duk da shigar da ƙarar, Adeyanju ya ci gaba da s**ar tsohon gwamnan jihar Anambra.
