29/07/2026
स्वास्थ्यकर्मीको सुरक्षा, सम्मान र सुरक्षित कार्य वातावरण सुनिश्चित गर्ने उद्देश्यले सरकार र नेपाल चिकित्सक संघबीच महत्त्वपूर्ण सहमति भएको छ। स्वास्थ्य संस्थामाथि हुने हिंसा तथा दुर्व्यवहारमा कडा कानुनी कारबाही अघि बढाउने, स्वास्थ्यसम्बन्धी कानुनहरूमा आवश्यक संशोधन गर्ने, विगतका सहमतिहरू कार्यान्वयन गर्न संयुक्त कार्यदल गठन गर्ने तथा स्वास्थ्य सेवाको निरन्तरता कायम राख्ने विषयमा सहमति भएको छ। सुरक्षित स्वास्थ्य सेवा, चिकित्सकको सम्मान र बिरामीको हित सुनिश्चित गर्न सबै पक्षले सहकार्य गर्दै यी निर्णयहरूको प्रभावकारी कार्यान्वयन हुनु आजको प्रमुख आवश्यकता हो।
