31/10/2026
“Dayga ang Ginoo!
O kalag ko,
dayga ang Ginoo!” —
Mga Salmo 146:1
Atong pamalandongan nga ang atong kinabuhi dinhi sa kalibotan mubo ra kaayo. Busa, samtang buhi pa kita, gamiton nato ang atong kinabuhi sa pagdayeg, pagsimba, ug paghimaya sa Ginoo.
Itugyan nato ang atong kinabuhi ngadto Kaniya, kay ang Diyos nagsaad kanato ug kinabuhing walay kataposan.
Ayaw usiki ang imong kinabuhi sa mga butang nga walay tinuod nga bili—mga butang nga temporaryo lamang ug kalipay nga lumalabay ra.
Hinumdumi: Ang kinabuhi nga gigahin alang sa Ginoo dili gayod mausik.
Ang atong pinakadakong katuyoan mao ang pagkinabuhi alang Kaniya ug paghimaya sa Iyang ngalan samtang ania pa kita sa kalibotan.
Kita-kits ta ugma, mga igsoon! Andamon nato ang atong kasingkasing, kalag, ug espiritu sa pagduol sa presensya sa Ginoo.
Magtigom kita isip usa ka simbahan aron mosimba ug modayeg Kaniya diha sa espiritu ug sa kamatuoran.
Daygon nato ang Ginoo samtang buhi pa kita!
God bless you more and more!