29/10/2026
𝟐𝟎𝟐𝟔 𝐑𝐄𝐆𝐈𝐎𝐍𝐀𝐋 𝐒𝐂𝐈𝐄𝐍𝐂𝐄, 𝐓𝐄𝐂𝐇𝐍𝐎𝐋𝐎𝐆𝐘, 𝐀𝐍𝐃 𝐈𝐍𝐍𝐎𝐕𝐀𝐓𝐈𝐎𝐍 𝐖𝐄𝐄𝐊 (𝐑𝐒𝐓𝐖) 𝐈𝐍 𝐂𝐄𝐍𝐓𝐑𝐀𝐋 𝐋𝐔𝐙𝐎𝐍
𝐎𝐜𝐭𝐨𝐛𝐞𝐫 𝟐𝟔-𝟐𝟖, 𝟐𝟎𝟐𝟔
𝐏𝐚𝐦𝐩𝐚𝐧𝐠𝐚 𝐒𝐭𝐚𝐭𝐞 𝐔𝐧𝐢𝐯𝐞𝐫𝐬𝐢𝐭𝐲, 𝐁𝐚𝐜𝐨𝐥𝐨𝐫, 𝐏𝐚𝐦𝐩𝐚𝐧𝐠𝐚
Muling nakibahagi ang BauerTek Farmaceutical Technologies sa 2026 Regional Science, Technology, and Innovation Week (RSTW) sa Central Luzon upang suportahan ang pagsusulong ng agham, teknolohiya, at inobasyon tungo sa isang makabago at maunlad na Pilipinas.
Ang RSTW ay isang mahalagang pagtitipon na naglalayong pagsama-samahin ang innovators, researchers, mag-aaral, industry leaders, entrepreneurs, at mga komunidad. Tampok sa tatlong araw na programa ang iba't ibang imbensyon, produkto, at teknolohiyang naglalayong makatulong sa pag-unlad ng ekonomiya at industriya ng bansa. Nagsisilbi rin itong pagkakataon upang maibahagi ng mga eksperto ang kanilang kaalaman at karanasan sa agham at teknolohiya, na maaaring magsilbing inspirasyon sa susunod na henerasyon ng mga imbentor.
Sa pagtatapos ng RSTW 2026, binigyan ng espesyal na pagkilala ang BauerTek, sa pangunguna ni Mr. Richard Nixon Gomez, bilang DOST SETUP CIRCLE Regional Winner at DOST SETUP CIRCLE National Finalist. Ang pagkilalang ito ay sumasalamin sa patuloy na pagsisikap ng BauerTek na isulong ang paggamit ng makabagong teknolohiya sa pagbuo ng mga produktong naglalayong magbigay ng mga solusyon sa mga pangangailangang pangkalusugan ng mga Pilipino at maging sa pangangalaga ng kapaligiran.
Sa mga nakalipas na taon, nakatanggap ang BauerTek ng iba't ibang pagkilala mula sa Department of Science and Technology (DOST), kabilang ang 2023 Provincial Best SETUP Adopter, 2023 Regional Best SETUP Adopter, at 2025 DOST SETUP ICON National Winner.
Naniniwala ang BauerTek na sa pamamagitan ng agham, teknolohiya, at inobasyon, mas mapapalawak ang mga solusyon pangkalusugan, pagpapaunlad ng pamayanan, at pangangalaga sa kapaligiran. Patuloy nitong isinusulong ang pagbuo ng mga makabagong solusyon na naglalayong makatulong sa pag-unlad ng bansa at sa kapakanan ng mga Pilipino.
