https://www.facebook.com/504249199449638/

BHS Aguit-it Vinzons, Purok 2, Barangay Hall of Aguit-it Building, Vinzons (2026)

Q: What is the address?

Purok 2, Barangay Hall Of Aguit-it Building

15/09/2026

DOH: HUWAG IPAGWALANG-BAHALA ANG MGA SINTOMAS NG DENGUE—MAGPATINGIN AGAD SA HEALTH FACILITY

Patuloy ang pag-ulan sa iba't ibang bahagi ng bansa, kaya nananatiling mataas ang panganib ng dengue. Ugaliing gawin ang Taob, Taktak, Tuyo, at Takip upang maiwasan ang pagdami ng lamok at alisin ang mga naipong tubig sa paligid ng bahay.

Kung ikaw o miyembro ng inyong pamilya ay may lagnat, lalo na kung may kasamang matinding sakit ng ulo, pananakit ng katawan, pagsusuka, o pagkakaroon ng pantal, magpatingin agad sa pinakamalapit na health facility. Ang maagang pagpapatingin at tamang gamutan ay mahalaga upang maiwasan ang malubhang komplikasyon ng dengue.

Habang patuloy ang pag-ulan, sama-sama nating panatilihing malinis ang ating kapaligiran at maging alerto sa mga sintomas ng dengue.

15/09/2026

🦟 DENGUE IEC DISTRIBUTION | BANDILLO – BRGY. AGUITIT

Kahapon, Setyembre 15, 2026, isinagawa ang pamamahagi ng Dengue (IEC) materials at pag bandillo sa Brgy. Aguitit, Vinzons, Camarines Norte, upang mapalakas ang kaalaman at kamalayan ng mga residente tungkol sa pag-iwas at pagkontrol sa dengue.

Binigyang-diin ang 5S Strategy Kontra Dengue:

🔎 SEARCH AND DESTROY BREEDING SITES – Hanapin at alisin ang mga lugar na maaaring pamugaran ng lamok.

🏥 SEEK EARLY CONSULTATION – Agad na kumonsulta sa pinakamalapit na health center kung may sintomas ng dengue.

🦟 SELF-PROTECT – Gumamit ng insect repellent, magsuot ng mahahabang damit, at gumamit ng kulambo.

🚫 SAY NO TO FOGGING – Iwasan ang fogging maliban sa panahon ng outbreak.

💧 SUSTAIN HYDRATION – Uminom ng maraming tubig upang maiwasan ang dehydration.

Kasabay nito, ipinaalala ang 4Ts — Taob, Taktak, Tuyo, at Takip — upang mabawasan ang mga lugar na maaaring pamugaran ng Aedes aegypti.

⏰ ALAS-KWATRO KONTRA MOSQUITO!
Gawing regular ang paglilinis ng kapaligiran tuwing 4:00 ng hapon. Taob, Taktak, Tuyo, at Takip!

Sa sama-samang pagkilos ng bawat pamilya at ng buong komunidad, makatutulong tayo upang maiwasan at mapigilan ang pagkalat ng dengue.

Protektahan ang sarili, pamilya, at komunidad. Sama-sama tayong kontra dengue! 🦟💪

19/08/2026

𝐀𝐍𝐎 𝐍𝐆𝐀 𝐁𝐀 𝐀𝐍𝐆 𝐌𝐄𝐀𝐒𝐋𝐄𝐒-𝐑𝐔𝐁𝐄𝐋𝐋𝐀 𝐒𝐔𝐏𝐏𝐋𝐄𝐌𝐄𝐍𝐓𝐀𝐋 𝐈𝐌𝐌𝐔𝐍𝐈𝐙𝐀𝐓𝐈𝐎𝐍 𝐀𝐂𝐓𝐈𝐕𝐈𝐓𝐘 (𝐌𝐑 𝐒𝐈𝐀)?

Sa dami ng impormasyong kumakalat tungkol sa bakuna, mahalagang malaman ang tama at mapagkakatiwalaang impormasyon. Ang Measles-Rubella (MR) Supplemental Immunization Activity (SIA) ay isang programa na naglalayong dagdagan ang proteksyon ng mga bata laban sa tigdas at rubella sa pamamagitan ng pagbabakuna. Ito ay mahalagang hakbang upang mapigilan ang pagkalat ng mga sakit na maaaring magdulot ng seryosong komplikasyon.

Sa pamamagitan ng tamang impormasyon at pagbabakuna, nakatutulong tayo sa pagprotekta hindi lamang sa ating mga anak, kundi pati na rin sa buong pamilya at buong komunidad. Huwag magpalinlang sa maling impormasyon. Sa halip, kumonsulta sa mga health workers at umasa sa mapagkakatiwalaang sources upang maging tama at ligtas ang ating mga desisyon tungkol sa kalusugan.

Tara na’t sama-sama nating palakasin ang proteksyon ng bawat bata! Suportahan ang MR-SIA at hikayatin ang mga magulang at tagapag-alaga na pabakunahan ang kanilang mga anak sa mga itinalagang vaccination sites.

Tandaan: Ligtas ang may alam. Ligtas Tigdas, atin ng suportahan!

✍️| Kristine Filio
🎥| Bejay Franz Acunin

09/08/2026

📢 MGA MAGULANG AT GUARDIANS SA BARANGAY AGUIT-IT, VINZONS! 📢

Paparating na ang LIGTAS TIGDAS:

Measles-Rubella Supplemental Immunization Activity (SIA) sa ating barangay! Oras na para protektahan ang ating mga chikiting.

Sino ang dapat mabigyan ng bakuna kontra tigdas?

👶 6-11 Months old: Sila ay bibigyan ng isang (1) dose ng Measles-Rubella (MR) vaccine, kahit nakatanggap na ng bakuna noon.

👧👦 12-59 Months old: Sila ay bibigyan din ng isang (1) dose ng Measles-Rubella (MR) vaccine, kahit nakatanggap na ng bakuna noon.

Saan at Kailan ang Bakunahan?
📍 Fixed Vaccination Site: Purok 2 Brgy Aguit-it Covered Court

🗓️ Vaccination Schedule:
August 11, 2026: Ito ay naka-iskedyul para sa mga residente ng PUROK 1 & 2 (Batch 1).

August 12, 2026: Ito ay naka-iskedyul para sa mga residente ng PUROK 2 & 3 (Batch 2).

🛡️ Tandaan: Ang bakuna kontra tigdas (MR vaccine) ay ligtas, epektibo at makakatulong upang maiwasan ang tigdas at rubella.

I-save ang petsa at dalhin na ang inyong mga anak sa ating covered court! Sa Bagong Pilipinas, Bawat Buhay Mahalaga.

07/08/2026

𝗧𝗵𝗲 𝗨𝗹𝘁𝗶𝗺𝗮𝘁𝗲 𝗕𝗲𝘀𝘁 𝗕𝘂𝘆: 𝗥𝗮𝗶𝘀𝗶𝗻𝗴 𝗛𝗲𝗮𝗹𝘁𝗵𝘆, 𝗪𝗲𝗹𝗹-𝗡𝗼𝘂𝗿𝗶𝘀𝗵𝗲𝗱 𝗙𝗶𝗹𝗶𝗽𝗶𝗻𝗼 𝗖𝗵𝗶𝗹𝗱𝗿𝗲𝗻 𝗦𝘁𝗮𝗿𝘁𝘀 𝘄𝗶𝘁𝗵 𝗕𝗿𝗲𝗮𝘀𝘁𝗳𝗲𝗲𝗱𝗶𝗻𝗴! 🤱💚

Breastfeeding benefits babies, mothers, families, and society—but mothers cannot do it alone. They need supportive policies, responsive health systems, strong communities, breastfeeding-friendly workplaces, sustained financing, and protection from misinformation and inappropriate marketing.

This 𝗡𝗮𝘁𝗶𝗼𝗻𝗮𝗹 𝗕𝗿𝗲𝗮𝘀𝘁𝗳𝗲𝗲𝗱𝗶𝗻𝗴 𝗔𝘄𝗮𝗿𝗲𝗻𝗲𝘀𝘀 𝗠𝗼𝗻𝘁𝗵, with the theme “𝗕𝗿𝗲𝗮𝘀𝘁𝗳𝗲𝗲𝗱𝗶𝗻𝗴 𝗳𝗼𝗿 𝗮 𝗦𝘂𝘀𝘁𝗮𝗶𝗻𝗮𝗯𝗹𝗲 𝗦𝘁𝗮𝗿𝘁 𝗶𝗻 𝗟𝗶𝗳𝗲: 𝗦𝘁𝗿𝗲𝗻𝗴𝘁𝗵𝗲𝗻 𝗪𝗵𝗮𝘁 𝗪𝗼𝗿𝗸𝘀”, let’s move beyond simply encouraging mothers to breastfeed. Let’s work together to build and sustain systems that protect, promote, and support breastfeeding.

07/08/2026

Mabuhay, Brgy. Aguit-it! 👋 Stay healthy at stay connected tayo🥰

Para mas madaling malaman ang mga pinakabagong health updates, programa, at anunsyo sa ating komunidad, i-follow at i-share na ang ating official page.

I-scan lang ang QR code na nasa aming poster o i-click ang link na ito:
👉 https://www.facebook.com/profile.php?id=61572941380381&mibextid=ZbWKwL

Narito ang mga serbisyong inihahatid ng ating Barangay Health Station (BHS) para sa bawat pamilya:

🩺 General Health Consultation & Basic Check-ups

🩸 Blood Pressure & Blood Sugar Screening

🤰 Maternal Care: Prenatal & Postnatal Check-ups

👶 Child Health: Growth Monitoring & Nutrition Counseling

💉 Routine Immunization & Immunizations (Infants, Children's, Pregnants & Senior Citizens)

👨‍👩‍👧 Family Planning: Counseling & Provision of Contraceptives

🫁 Tuberculosis (TB) Screening, Referral & Treatment (DOTS)

🗣️ Health Education (Nutrition, Hygiene, Disease Prevention)

🩺 Monitoring & Management of NCDs (Hypertension, Diabetes)

🤱 Breastfeeding Support & Education

💊 Vitamin A Supplementation & Deworming for Children

🩹 Basic First Aid & Wound Care

🏥 Referral to Rural Health Unit (RHU) & Hospital

⚕️ Distribution of Selected Medicines & Vitamins (Subject to Availability)

♀️Cancer early detection and referral (Clinical breast Examination and Cervical Cancer screening Visual inspection with Acetic Acid test (VIA)

👁Eye Care Program

📊 Disease Surveillance and Reporting

⚠️ MAHALAGANG PAALALA TUNGKOL SA MGA GAMOT:

Ang pamimigay ng mga libreng gamot ay subject to availability. Mahigpit din po naming ipinapaalala na kailangan ng balidong reseta (valid prescription) mula sa doktor bago makakuha ng gamot. Mangyari po lamang na dalhin ang inyong reseta sa pagbisita sa ating BHS.

Kalusugan ng bawat isa, prayoridad ng barangay! I-share ang post na ito para maipaalam sa ating mga ka-barangay. Maraming salamat po! 💙💚

06/08/2026

🎉 ISANG MATAGUMPAY NA BUNTIS CONGRESS 2026 NGAYONG ARAW! 🤰🌸✨

Taos-pusong pasasalamat sa ating mga beloved mommies na dumalo at nakiisa sa ginanap na Buntis Congress 2026 ngayong araw, Agosto 6, 2026, sa Brgy. Aguit-it Covered Court!

Sa ilalim ng temang “Malusog na Ina, Ligtas na Sanggol, Matatag na Pamilya,” naging puno ng saya, kaalaman, at inspirasyon ang ating buong araw.

🌟 Mga Naging Highlights Kanina:

🥑 Wastong Nutrisyon: Payo sa tamang pagkain para sa kalusugan ng ina at ng baby sa sinapupunan.

🩺 Prenatal & Postnatal Care: Mahahalagang paalala bago at pagkatapos manganak upang makaiwas sa anumang peligro.

👶 Paghahanda sa Pagiging Magulang: Gabay sa tamang pangangalaga sa baby at pagpapatatag ng pamilya.

💖 Maraming Salamat Po!
Lubos ang ating pasasalamat sa matagumpay na kolaborasyon at pagsisikap ngayong araw ng:

🏢 BLGU Aguit-it, BLGU Manlucugan, at BLGU Matango

🏛️ Lokal na Pamahalaan ng Vinzons (LGU Vinzons)

🏥 Municipal Health Office of Vinzons (MHO Vinzons)

🩺 Department of Health (DOH)

👩‍⚕️ Barangay Nurse, Midwives, Barangay Health Workers (BHW), at Barangay Nutrition Scholars (BNS) na nag-alay ng kanilang dedikasyon at serbisyo.

At higit sa lahat, maraming salamat sa ating mga mommies na naglaan ng panahon ngayong araw para matuto at pangalagaan ang kanilang kalusugan at ang kanilang mga sanggol! 👶💕

Hangad po namin ang inyong ligtas na panganganak at isang masaya't malusog na pamilya. Hanggang sa muling pagkikita, mga mommy!

06/08/2026

📢 MATAGUMPAY NA MR SIA ORIENTATION SA BARANGAY AGUIT-IT NGAYONG AGOSTO 6, 2026! 👶💉

Magandang araw, mga Kabarangay!
Isang makabuluhang oryentasyon ukol sa Measles-Rubella Supplemental Immunization Activity (MR SIA) ang matagumpay na naisagawa ngayong araw, Agosto 6, 2026, para sa ating ilang mga nanay at tagapangalaga ng mga chikiting na may edad 6 hanggang 59 na buwan (6 to 59 months).

Ang oryentasyon ay masayang pinangunahan ng ating Barangay Nurse ng Barangay Aguit-it, sa pakikipagtulungan at suporta ng ating masisipag na Barangay Health Workers (BHWs) at Barangay Nutrition Scholar (BNS).

💡 MGA MAHALAGANG PAALALA MULA SA ATING BARANGAY NURSE:

🛡️ Proteksyon Laban sa Sakit: Ang bakuna ay magbibigay ng karagdagang lakas at immunity sa ating mga chikiting laban sa Tigdas (Measles) at Tigdas-Hangin (Rubella).

💚 Ligtas at Libre: Binigyang-diin na ang mga bakunang gagamitin ay subok na ligtas, epektibo, at walang anumang bayad mula sa Kagawaran ng Kalusugan (DOH).

🤝 Pagtutulungan sa Komunidad: Ang kalusugan ng ating mga anak ay nakasalalay sa ating pagkakaisa at pakikiisa sa bakunahan.

🗓️ OPISYAL NA ISKEDYUL AT LUGAR NG PAGBABAKUNA:

📅 Petsa: Agosto 11 at 12, 2026
📍 Lugar (Vaccination Post): Barangay Aguit-it Covered Court, Purok 2

👶 Sino ang Babakunahan: Lahat ng batang may edad 6 hanggang 59 na buwan

✉️ MAHALAGANG PAALALA SA MGA MAGULANG:

📋 Listahan ng Babakunahan: Naka-paskil na po sa ating Barangay Health Station (BHS) Aguit-it ang opisyal na listahan ng mga batang kasama sa babakunahan.

✉️ Opisyal na Sulat: Magpapadala rin po ang ating Barangay Nurse ng sulat sa tulong at pamamagitan ng ating mga BHWs at BNS para sa lahat ng pamilyang may anak na edad 6 hanggang 59 na buwan.

💬 May Katanungan? Kung mayroon pa kayong mga katanungan o nais na linawin, maaari po kayong pumunta sa ating Barangay Health Station (BHS Aguit-it) upang magtanong sa ating health staff.

📌 MGA DAPAT GAWIN NG MGA NANAY AT MAGULANG:

1️⃣ Abangan ang ipapadalang sulat mula sa ating Barangay Nurse na ididirekta/ihahatid ng ating mga BHWs at BNS.

2️⃣ Siguraduhing handa ang inyong chikiting na may edad 6–59 months para sa pagpapabakuna.

3️⃣ Dalhin ang inyong mga anak sa Barangay Aguit-it Covered Court (Purok 2) sa darating na Agosto 11 at 12, 2026.

Maraming salamat sa lahat ng mga nanay na dumalo at nakiisa ngayong araw! Together, let's keep Barangay Aguit-it healthy and safe! ❤️✨

04/08/2026

🤰🌸 BUNTIS CONGRESS 2026 🌸🤰

Inaanyayahan ang mga buntis na makiisa sa Buntis Congress 2026, na may temang: “Malusog na Ina, Ligtas na Sanggol, Matatag na Pamilya.” Layunin ng gawaing ito na palawakin ang kanilang kaalaman tungkol sa wastong pangangalaga sa kalusugan ng ina at sanggol, tamang nutrisyon, prenatal care, post natal at paghahanda sa responsibilidad bilang ina at magulang.

Gaganapin ang programa sa Agosto 6, 2026, mula 8:00 ng umaga hanggang 5:00 ng hapon, sa Brgy. Aguit-it Covered Court. Inihanda ang isang araw na puno ng makabuluhang talakayan, mahahalagang kaalaman, at mga gawaing makatutulong sa pagkakaroon ng ligtas at malusog na pagbubuntis at panganganak☺

Ang gawaing ito ay pinagsamang pagsisikap ng Barangay Aguit-it, Barangay Manlucugan, at Barangay Matango, katuwang ang Lokal na Pamahalaan ng Vinzons at ang Department of Health. Sa pamamagitan ng sama-samang pagkilos, patuloy nating itaguyod ang kalusugan at kapakanan ng bawat ina at sanggol. Kita-kits, mga mommies! 💕👶

📌 P.S. Para po sa maayos na paghahanda at limitadong bilang ng mga kalahok, ang programa ay nakalaan lamang sa mga buntis na kabilang sa opisyal na listahan. Sila po ay makatatanggap ng Letter of Invitation. Maraming salamat po sa inyong pang-unawa.

BHS Aguit-it Vinzons

15/09/2026

15/09/2026

19/08/2026

09/08/2026

07/08/2026

07/08/2026

06/08/2026

06/08/2026

04/08/2026

Address

Website

Alerts

Shortcuts

Share

Category

Listing takedown request