27/10/2026
جسمك مش بس بكبر بالسنين… جسمك بكبر بالشعور.
إذا جينا حسبنا كل يوم اديش بنصرف طاقة على مشاعرنا… على الزعل، والخوف،والغضب، والقلق، وحتى على محاولاتنا المستمرة إننا نتماسك ونبيّن إننا بخير.
و وعفكرك مش ضروري تمرّي بصدمة كبيرة عشان تستنزفي نفسك
ممكن مواقف بسيطة ومتكررة تترك آثر بشخصيتك ، كلمة جرحتك، شخص تجاهلك، نقاش ضايقك، أو تصرّف ما تقبّلتيبه ، أو توتر وخوف وأفكار سلبية طول نهارك
ممكن الموقف نفسه او الفكرة ما يستاهل كل هالوجع، بس تعالي احسبي قديش دفعتي من طاقتك ومشاعرك ثمن إله!
كم ساعة قضيتيها بالتفكير؟
كم مرة رجعتي تعيشي الموقف بخيالك كم ليلة نمتي وإنتِ زعلانة؟وكم مرة ضلّ جسمك مشدود وإنتِ بتحاولي تتجاوزي؟
الموقف يمكن استمر خمس دقايق… بس إنتِ دفعتي ثمنه من نفسيتك وجسمك
ومع تكرار هالحالة، التوتر المزمن ممكن يأثر على جهازك العصبي، ونومك، وصحة جسمك، وحتى على شكلك وكمان طاقة جسمك فببدأ جسمك يكبر بالمشاعر وفي ناس كتير بكون شكلهم اكبر من عمرهم الحقيقي بكتير ، لانه ملامحهم بتبدأ تحكي عن تعب مشاعرهم .
والي ما بتعرفيه كمان انه اعضاء جسمك كمان الها ثمن بهاي الطاقة وكل عضو لما يستنزف من المشاعر بتعب وبمرض وببدأ يظهر الحاجة للتدخل النفسي والجسدي
في كتير ناس بتشوف ثمن الجلسات النفسية غالية ‼️ وهم بالحقيقة عم بدفعوا أثمان من صحتهم أغلى بكتير بدون ما يكونوا انهم عم بدفعوا بكامل شعورهم وأفكارهم لحد ما يوصلوا لمرحلة " الإفلاس النفسي والجسدي "
