17/10/2026
اللي يهتم بصحة غيره النفسية… يستاهل نهتم بصحته النفسية بعد!
في رابا، نؤمن إن الاهتمام بفريقنا مو بس في شغلهم وتطوير مهاراتهم، لكن حتى في راحتهم النفسية ووعيهم بكل اللي يساعدهم في حياتهم وعملهم.
وبمناسبة اليوم العالمي للصحة النفسية، جمعنا أخصائيينا في فعاليات مختلفة، كانت مليانة معرفة، وحماس، ومشاركات حلوة من الجميع.
كانت عندنا ورشتين عن اختبار الذكاء والاحتراق الوظيفي، تعرّفنا فيها على معلومات مهمة، وتبادلنا الآراء والخبرات، وفتحنا مجال للنقاش والأسئلة.
والأجواء ما كانت كلها جدّية!
مشاركة رئيسنا التنفيذي مع الأخصائيين أضافت للفعالية جوًّا من التفاعل، ومع الأسئلة والتحديات والجوائز للي يجاوبون صح، صار الحماس أكبر، والضحكات أكثر، وكل واحد كان له بصمته في هاليوم.
والأجمل من كل هالفعاليات، إننا اجتمعنا على رسالة وحدة: صحتنا النفسية مهمة، والاهتمام فيها يبدأ منّا.
لأن اللي يعطي من وقته وجهده عشان يساعد غيره، يستاهل بيئة عمل تقدّره، وتسمعه، وتهتم فيه.
من رابا، هذي بعض لحظاتنا الحلوة في اليوم العالمي للصحة النفسية… يوم تعلّمنا فيه، وتشاركنا، واستمتعنا مع بعض.
#رابا
