Galkayo Hospital - Galmudug-Somalia

27/08/2026

📢 HIRGELINTA ADEEGGA DIGITAL X-RAY EE ISBITAALKA GALKAYO

Isbitaalka Galkayo waxa ka socda rakibidda iyo diyaarinta qalabka casriga ah ee Digital X-Ray, kaas oo markii ugu horreysay laga hirgelinayo isbitaalka.

Qalabkan muhiimka ah waxaa Isbitaalka Galkayo ugu deeqay Musharraxa Madaxweynaha Galmudug, H.E. Liibaan Xasan Axmed. Alle ha ka abaalmariyo taageeradan qiimaha badan.

Haddii Alle idmo, adeegga Digital X-Ray waxaa si rasmi ah loo hawlgelin doonaa maalmaha soo socda. Waxa uu gacan weyn ka geysan doonaa:

✅ Horumarinta baaritaannada caafimaadka
✅ Helidda sawirro tayo sare leh
✅ Dedejinta ogaanshaha cudurrada iyo dhaawacyada
✅ Xoojinta tayada adeegyada caafimaad ee bulshada

Maamulka iyo dhammaan shaqaalaha Isbitaalka Galkayo, oo ku hadlaya magaca bulshada, waxay si kal iyo laab ah ugu mahadcelinayaan H.E. Liibaan Xasan Axmed deeqdan muhiimka ah iyo taageerada uu u fidiyey horumarinta adeegyada caafimaadka.

Isbitaalka Galkayo
Galkayo, Galmudug – Soomaaliya

03/08/2026

Maamulka Isbitaalka Guud ee Gaalkacyo oo Ka Qaybgalay Daahfurka Toddobaadka Caalamiga ah ee Naasnuujinta

Maamulka Isbitaalka Guud ee Gaalkacyo ayaa maanta ka qaybgalay munaasabadda daahfurka Toddobaadka Caalamiga ah ee Naasnuujinta 2026, oo lagu qabtay xarunta isbitaalka.

Munaasabadda waxaa ka soo qaybgalay Iskuduwaha Caafimaadka Degmada Gaalkacyo, maamulka isbitaalka, mas’uuliyiin ka socotay Wasaaradda Caafimaadka Dowlad Goboleedka Galmudug, Hay’adda Dhaqaatiirta Aan Xuduudda Lahayn (MSF), Mudug Development Organization (MDO), iyo shaqaalaha qaybaha kala duwan ee Isbitaalka Guud ee Gaalkacyo.

Intii ay munaasabaddu socotay, waxaa lagu adkeeyay muhiimadda naasnuujinta ee caafimaadka hooyada iyo dhallaanka, iyadoo la xusay doorka ay naasnuujintu ku leedahay koritaanka caafimaadka leh ee carruurta iyo yareynta cudurrada.

Toddobaadka Caalamiga ah ee Naasnuujinta ayaa sii socon doona maalmaha soo socda, iyadoo la qaban doono barnaamijyo wacyigelin ah oo lagu dhiirrigelinayo naasnuujinta iyo daryeelka caafimaadka hooyada iyo dhallaanka.

22/06/2026

Dhamaan dadweynaha ku dhaqan magalkada Galkacyo iyo nawaaxigeeda waxa la ogeysiinaya in Dr Talal Azouz oo ka mid ah khubarada caafimaad ee isbitaalka Horseed ee magalada Muqdisho uu ololo caafimaad ka fulin doonan isbitaalka guud ee magalada Galkacyo.

Dr Talal Azouz ayaa ah khabiir ku taqasusay daaweynta iyo qaliimada cudurada ku dhaca cunaha, dhagaha iyo sanka (ENT) iyo qaliimada qurxunta dhaawacyada wajiga.

Ololahaan waxa uu bilaaban doona 27/6/2026 waxa uuna ku egyahay 2/7/2026.

13/06/2026

🎉 Hambalyo Dr. Zainab! 🎉

Maamulka iyo shaqaalaha Isbitaalka Guud ee Gaalkacyo waxay hambalyo iyo bogaadin u dirayaan Dr. Zainab oo si guul leh u dhammaysatay Barnaamijka Somali Field Epidemiology Training Program (FETP) Cohort 7.

Guushan waxay ka tarjumaysaa dadaalka, kartida, iyo u heellanaanta ay u leedahay horumarinta caafimaadka bulshada, xoojinta la socodka cudurrada, iyo ka hortagga faafitaannada cudurrada.

Waxaan ku bogaadinaynaa dadaalkaaga iyo aqoonta aad kororsatay, waxaana kuu rajaynaynaa guulo waaweyn oo dheeraad ah oo aad ugu adeegto bulshada Soomaaliyeed.

Hambalyo Dr. Zainab, iyo dhammaan qalin-jabiyeyaasha FETP Cohort 7! 🎓👏

— Maamulka iyo Shaqaalaha Galkayo Hospital - Galmudug-Somalia

04/06/2026

𝐎𝐆𝐄𝐘𝐒𝐈𝐈𝐒 𝐌𝐔𝐇𝐈𝐈𝐌 𝐀𝐇

Dhamaan dadweynaha ku dhaqan magaalada 𝐆𝐚𝐥𝐤𝐚𝐜𝐲𝐨 iyo 𝐧𝐚𝐰𝐚𝐚𝐱𝐢𝐠𝐞𝐞𝐝𝐚 waxaa la ogeysiinayaa in 𝐃𝐫 𝐌𝐨𝐡𝐚𝐦𝐞𝐝 𝐀𝐛𝐝𝐮𝐥𝐥𝐚𝐡𝐢 𝐀𝐝𝐚𝐦 oo ka mid ah khubarada caafimaadka Isbitaalka 𝐇𝐨𝐫𝐬𝐞𝐞𝐝 uu ololo caafimaad ka fulin doono 𝐈𝐬𝐛𝐢𝐭𝐚𝐚𝐥𝐤𝐚 𝐆𝐮𝐮𝐝 𝐞𝐞 𝐦𝐚𝐠𝐚𝐚𝐥𝐚𝐝𝐚 𝐆𝐚𝐥𝐤𝐚𝐜𝐲𝐨.

10/05/2026

20/04/2026

Hambalyo Iyo Bogaadin

Maamulka iyo dhammaan shaqaalaha Isbitaalka Gaalkacyo (Galmudug - Somalia) waxay si kal iyo laab ah ugu hambalyeynayaan Dr. Shuayb Mo’alim Ali Jama oo ay u dhamaatay Shahaada labaad ee Jaamacadda Master of Radiology.

Dr. Shuayb waxa uu ka mid ahaa shaqaalihii h**e ee Isbitaalka Gaalkacyo, isagoo door muuqda ka qaatay adeegyada caafimaad iyo horumarinta tayada daryeelka bukaannada. Guushan qiimaha leh waa mid ka tarjumeysa dadaalkiisa, kartidiisa iyo himiladiisa sare ee uu u hayo horumarinta caafimaadka bulshada.

Waxaan u rajeyneynaa mustaqbal ifaya, guulo badan iyo inuu sii wado ka qeyb qaadashada horumarinta adeegyada caafimaadka dalka.

Mar kale hambalyo Dr. Shuayb! 👏
Isbitaalka Gaalkacyo – Maamulka & Shaqaalaha

06/04/2026

Hambalyo Sharaf Leh

Maamulka iyo dhammaan Shaqaalaha Isbitaalka Galkayo Hospital, Galmudug – Soomaaliya, waxay si weyn ugu hambalyeynayaan Dr. Mohamed Abdul Ali Hashi, oo h**e uga tirsanaa dhakhaatiirta Isbitaalka, kuna guuleystay difaacida (defense) cilmi-baaristiisa heerka Master-ka ee Qalliinka Guud (Master of General Surgery) ee Kulliyadda Caafimaadka (Faculty of Medicine), Kasr Al Ainy Faculty of Medicine, Cairo University, Jamhuuriyadda Masar.

Guushan qiimaha badan waxay muujineysaa dadaalka, kartida, iyo go’aanka adag ee Dr. Mohamed Abdul Ali Hashi, taas oo ah mid dhiirrigelin u noqoneysa dhammaan bahda caafimaadka iyo dhalinyarada Soomaaliyeed.

Maamulka iyo shaqaalaha Isbitaalka Galkayo waxay ku bogaadinayaan Dr-ka horumarka uu gaaray, iyagoo rajeynaya inuu sii wado kaalintiisa muhiimka ah ee horumarinta adeegyada caafimaadka iyo badbaadinta nolosha bulshada Soomaaliyeed.

Waxaan u rajeyneynaa mustaqbal ifaya, guulo waaweyn, iyo in uu noqdo hormuud kaalin muuqata ka qaata horumarinta qalliinka iyo guud ahaan caafimaadka dalka.

Mar kale, hambalyo iyo bogaadin mudan.

Maamulka iyo Shaqaalaha
Isbitaalka Galkayo
Galmudug – Soomaaliya

22/03/2026