As we age

Call Directions Website

As we age Cutting-edge scientific discoveries, research and experiments behind the latest longivity products

Эрэгтэй, эмэгтэй хүмүүсийн үс уналтад ялгаатай талууд байдаг хэдий ч нийтлэг нэг шалтгаан нь нар.Наранд удаан хугацаагаа...
10/18/2026

Эрэгтэй, эмэгтэй хүмүүсийн үс уналтад ялгаатай талууд байдаг хэдий ч нийтлэг нэг шалтгаан нь нар.

Наранд удаан хугацаагаар хамгаалалтгүй байхад UVB (нарны хэт ягаан туяа) хуйхны ДНХ-г гэмтээж, TP53 мутацыг ихэсгэдэг. Ганц хуйх ч биш наранд байнга байдаг хүмүүсийн ярьс гаднаас харахад мэдэгдэхгүй ч TP53 мутац хэт ихэссэн байдаг. Мөн UVA нь арьсны давхаргад нэвтэрч, ROS үүсгэдэг бөгөөд энэ нь MMP-1/-3/-9-ийг өдөөж, коллагеныг задалдаг. Үүний үр дүнд нарны эластоз үүсч, фолликулын эргэн тойрон дахь арьсны бүтэц алдагдахад хүргэдэг. Хуйхыг арьсны нэг хэсэг гэж үздэг шүү - FYI.

Хэт ягаан туяанаас үүдэлтэй исэлдэлтийн стресс болон үрэвсэл нь үсний уутанцрын "товгор" хэсэгт (bulge) байрлах үүдэл эсийн орчинд нөлөөлж, үсний уутанцрыг тойрсон бичил үрэвслийг нэмэгдүүлдэг. Мөн меланоцит үүдэл эсүүд гэмтэх нь үс бууралтад хүргэдэг. Цаашлаад цистеинийг исэлдүүлж, меланиныг задалдаг тул үс хэврэгшиж, цайвар болдог. Энгийнээр бол үс шингэрч, бууралтаж эхлэхэд аль хэдийн ийм олон гэмтлүүд хэдийн үүссэн байдаг. Хуйх хөгширснийг илтгэх бас нэг шинж бол үсний ширхэг нарийсах. Толгойдох үсний ширхэгийн тоо өөрчлөгдөхгүй байлаа ч нарийсч аалзны шүлс мэт болдог. Үүнээс гадна үс бүрэн хамгаалдаггүйн дээр эрэгтэй хүмүүс ялангуяа үсний богино засалт, амьдралын хэв маягаас хамаарч илүү өртдөг.

Эмэгтэйчүүдийн хувьд нарнаас үүссэн гэмтэл дээр нэмээд эстроген багасаад ирэх үед үс уналт ignore-дох аргагүй асуудал болж ирдэг. Үс сайхан бол зүс сайхан тул, санхүүгийн томоохон зарлага болж жилээс жилд улсын төсөвтэй перпендикуляр хамааралтайгаар өснө.

Иймээс залуу зандан насандаа нарнаас хамгаалж зохих малгайг нь өмсөж хэвшээрэй. Санхүүгийн хөрөнгө оруулалтын өндөр өгөөжтэй зөвлөгөө өглөө шүү.

https://www.mdpi.com/2076-3417/9/22/4724
https://eprints.whiterose.ac.uk/id/eprint/204986/
https://www.healthcert.com/hubfs/ijd.15283.pdf

Станфордын их сургуулийн профессор Karl Deisseroth тэргүүтэй эрдэмтэд анх 2005 онд замагнаас гаргаж авсан Channelrhodops...
10/11/2026

Станфордын их сургуулийн профессор Karl Deisseroth тэргүүтэй эрдэмтэд анх 2005 онд замагнаас гаргаж авсан Channelrhodopsin гэх уургийг ашиглан мэдрэлийн эсийг дотроос нь гэрэлтүүлэх боломжтойг хулгана дээр харуулсан.

Энэхүү уураг нь гэрлээр идэвхждэг хаалганы үүрэг гүйцэтгэдэг. Уг уураг эсийн мембранд жижиг суваг хэлбэрээр байрладаг бөгөөд цэнхэр гэрэл (Blue light) тусахад ионууд эс рүү нэвтрэх боломжийг олгодог. Энэ нэвтэрсэн ионы нөлөөгөөр тухайн эс идэвхжиж гэрэлтэж харагддаг. Гэхдээ гол онцлог нь зөвхөн зорилтод мэдрэлийн эсээ гэрэлтүүлж, бусдыг нь унтраатай байлгах тохируулга хийн асааж, унтрааж болдог удирдлага юм.

Бидний мэддэг рентген, MRI, CT scan гэх мэт зураглал тухайн зураг авах мөчийг л тусган харуулдаг бөгөөд үйл ажиллагааг огт харуулах боломжгүй байсан бол Нобелийн шагнал хүртсэн энэхүү аргачлал ямарваа нэгэн мэдрэлийн эс хэрхэн ажилладагийг харах боломжийг олгодог.

Тиймээс сүүлийн жилүүдэд донтолт, айдас, суралцах гэх мэт зан байдал тархинд хэрхэн явагддаг талаар амьд хөгжмийн концерт үзэж байгаа мэт харж чаддаг болсноор үсрэнгүй хөгжлийг уг салбарт авчирсан.

Профессор Deisseroth "Projections: The New Science of Human Emotion" номондоо сэтгэцийн өвчнүүдийн талаар өөрийн бодит өвчтнүүдийн түүх дээр үндэслэн бичсэн нь сэтгэцийн өөрчлөлттэй нэгнийг илүү ойлгох үүд хаалга болсон гэж боддог.

https://www.nature.com/articles/nn1525.pdf
https://med.stanford.edu/news/insights/2021/06/neuroscientists-book-traverses-the-extremes-of-human-behavior.html
https://www.khaleejtimes.com/world/german-us-scientists-win-nobel-medicine-prize-optogenetics?_refresh=true

Уг нь эс байнга хуваагдаж шинэчлэгдэж байдаг ч хөхтөн амьтны онцлогоос хамаарч тархины эс огт хуваагддаггүй. Шалтгааныг ...
10/05/2026

Уг нь эс байнга хуваагдаж шинэчлэгдэж байдаг ч хөхтөн амьтны онцлогоос хамаарч тархины эс огт хуваагддаггүй.

Шалтгааныг 2 үндсэн байдлаар тайлбарладаг. Нэгт, эсийн тооны хувьд тархи тийм ч их эс агуулдаггүй. Хүний бие дэх нийт эсийн 0.25% орчим нь тархинд байдаг ба үүнээс 80% орчим нь бага тархинд оршдог. Гэхдээ гол онцлог нь тархины эзлэхүүний ихэнх хэсгийг аксон, дендрит, синапс болон глийн эсийн сэртэнгүүд (нейропил) бүрдүүлдэг. Ингэхээр тархины эсийн чухал үүрэг бол холбоос үүсгэх, мөн үүссэн холбоосыг ямар ч үнээр хамаагүй хадгалах. Тэгэхээр хуваагдаж шинээр үүсэх үйлдэл хийвэл уг холбоосоо алдах тул анхнаасаа комманд нь байгаагаараа үлдэх юм. Холбоос тасарвал тухайн хэсгийн ой санамж, түүнтэй холбоотой бүх сурсан зүйлээ алддаг. Нэгэнт холбоос тасарсан эс буцаж нийлэх гэж оролддог ч, эцэстээ үхээд дуусдаг.

Хоёрт, шинээр мэдрэлийн эс үүсэхдээ зөвхөн мэдрэлийн үүдэл эсээс л шинээр үүсдэг. Бусад эсүүд шиг ерөнхий үүдэл эсээс шинээр үүсдэггүй онцлогтой. Мэдрэлийн үүдэл эс hippocampus (тархинд усан морь шиг хэлбэртэй ой санамжийг хариуцдаг хэсэг) хэсэгт л байдаг, өөр хэсэгт байдаггүй.

За үүнээс гадна мэдрэлийн эс дахин ургадаг бас онцлог байна. PNS буюу 4 мөч, арьс, булчингийн мэдрэлийн аксоны зайгаар дахин ургадаг. Жишээ нь тасарсан хуруу хэдэн сарын дараа мэдээ орох гэх мэт. Зүйрлэвэл модны гол гэмтсэн бол үхдэг, харин хугарсан мөчир дахин ургаж болдогтой адил. Гэвч CNS буюу тархи нугасны мэдрэлийн эсэд ийм зүйл байдаггүй.

Тэгэхээр бид хөгшрөх явцад юу болдог нь арай ойлгомжтой болж байгаа биз дээ, тэ? Мэдрэлийн эсүүд холбоос нь тасарч үхжсэнээр мэдрэлийн доройтлын өвчин үүсч, шинж тэмдгүүд илэрдэг байх нь. Харин дасгал хөдөлгөөн эргээд хийж эхлэхэд мэдрэлийн эсүүд ургаж бие махбодь сэргэлт авдаг байх нь. Гэвч анхнаасаа яагаад тархины мэдрэлийн эс холбоосоосоо тасардаг вэ гэвэл эсийн эрчим хүчтэй шууд холбоотой.

https://pmc.ncbi.nlm.nih.gov/articles/PMC2823995/
https://pmc.ncbi.nlm.nih.gov/articles/PMC4418291/
https://pmc.ncbi.nlm.nih.gov/articles/PMC11105064/
https://pmc.ncbi.nlm.nih.gov/articles/PMC10903104/

Нас ахихад бид ясны сийрэгжил гэж нэг бэрхшээлтэй нүүр тулгардаг. Эрэгтэйчүүд 50 наснаас эхлэн жилд ясны нягтаршил нь 0....
10/04/2026

Нас ахихад бид ясны сийрэгжил гэж нэг бэрхшээлтэй нүүр тулгардаг. Эрэгтэйчүүд 50 наснаас эхлэн жилд ясны нягтаршил нь 0.5-1%-иар тогтмол буурдаг бол эмэгтэйчүүд сарын тэмдэгнээс шалтгаалан арай хэлбэлзэлтэй.

Эмэгтэйчүүд цэвэршилтийн өмнөх үе/эрт цэвэршилтийн үедээ жилд дунджаар 1-2%-иар яс нь сийрэгждэг. SWAN судалгаагаар сүүлийн сарын тэмдгийн үеийн 3 орчим жилд нурууны яс 2%+, дунд чөмөгний толгойн холбоос 1.5%-иар нягтаршилаа алддаг. Нийтдээ цэвэрших үед нурууны яс 10%-иар сийрэгжсэн байдаг байхнээ. (Тэгээд бөхийдөг юм болов уу? - random thought) Үүнээс хойш жил бүр 0.5-1%-иар сийрэгждэг. Хамгийн ихээр сийрэгждэг хэсэг бол нурууны яс, шууны яс бөгөөд энэ хэсгийн ясны эс хурдтай шинэчлэгддэгтэй нь холбоотой гэж үздэг.

2024 онд хийсэн санамсаргүй байдлаар сонгодог 2 харьцуулсан судалгаагаар Yoga хийсэн болон хийгээгүй хүмүүсийн ясны эрдсийг шинжлэхэд ямар нэгэн ялгаа ажиглагдаагүй байна. Өөр олон судалгаануудаар үүнийг баталсан тул энд төгсгөе.

Харин 2009 онд хийсэн Meta судалгаагаар (meta судалгаа гэдэг нь тухайн сэдвээр хийгдсэн олон улсад байгаа бүх судалгааг нэгтгэн хийдэг төрлийн судалгаа юм) resistance training хийхэд ясны эрдсийн түвшинг хэвийн түвшинд хадгалж, ясны нягтаршлийг сайжруулсан байна.

Гэвч хамгийн сонирхолтой нь нэг төрлийн дасгал хөдөлгөөн хийснээс олон төрлийн дасгал хөдөлгөөн хийсэн нь хамаагүй илүү үр дүн үзүүлж байжээ.

https://pmc.ncbi.nlm.nih.gov/articles/PMC3378821/
https://pmc.ncbi.nlm.nih.gov/articles/PMC7963392/
https://pmc.ncbi.nlm.nih.gov/articles/PMC2266953/
https://pubmed.ncbi.nlm.nih.gov/18981037/
https://www.qigonginstitute.org/abstract-print/19429

Уг нь хөгжим сонсох, зогсох, эсвэл гар хөлөө хөдөлгөх нь хэний ч анхаарлыг төвлөрөлтөд сөргөөр нөлөөлмөөр. Харин ADHD бу...
09/20/2026

Уг нь хөгжим сонсох, зогсох, эсвэл гар хөлөө хөдөлгөх нь хэний ч анхаарлыг төвлөрөлтөд сөргөөр нөлөөлмөөр. Харин ADHD буюу анхаарал дутмагшил/хэт идэвхжилийн эмгэгээр оношлогдсон хүмүүс эсэргээрээ анхаарлаа төвлөрүүлэх үүднээс эдгээр үйлдлийг өөрийн мэдэлгүй гаргадаг.

Нэгт энэ бол өвчин биш, хэдий эмгэг гэж нэрлэгдэж бгаа ч бидний тархи ямар нэгэн шалтгаанаар өөрийн мэдрэлийн эсүүдээ өөрт тохирсноор холбож ашигладаг, ийм л шалтгаантай. Нарийн үзвэл хүн бүрийнх өөрийн гэсэн онцлогтой. Одоогоор анагаах ухаанд үүнийг хэдэн бүлэгт хувааж авч үзэж, түүгээрээ дамжуулан биологийн онцлогоо улам сайн ойлгох л гэж хичээж бгаа хэрэг.

Энэ онцгой байдлыг оptimal stimulation гэж нэрлэдэг. Ер нь ADHD-тэй хүний тархи тодорхой хэмжээний stimulation буюу өдөөлт үүсгэх хэрэгцээтэй байдаг гэж ойлгож болно. Олон зүйлийг нэг дор асуудалгүй хийх чадвар, маш хурдтай авхаалж самбаа шаардсан ажлыг төвөггүй хийх байгалийн өгөгдөл нь. Орчин үед энэ хэрэгцээгээ хөгжим сонсох мэтээр хангадаг.

Хэрвээ хүүхэд чинь хичээл хийхдээ хөгжим сонсдог бол битгий хориглоорой. Бас хичээл дээр хүүхэд бүр номхон суух боломжгүй гэдгийг багш, сурган хүмүүжүүлэгч нар ойлгочих хэрэгтэй. Яаж ч загнаад болдоггүй өрөмний өт шиг хүүхдүүд байдаг даа. Муу хүүхэд болохоороо эсвэл хүний үгэнд ордоггүйдээ бус тэдний тархи зүгээр өөр л гэсэн үг. Хүүхэд бүр өөрийн гэсэн сурах арга барилаа өөрөө туршиж үзээд олох хэрэгтэй, түүнд нь эцэг эхчүүд, багш нар туславал илүү үр дүнтэй.

Хөгжим сонсонгоо анхаарал төвлөрүүлэх ажил хийх гэж байгаа бол туршаад үзээрэй. Тархины долгионыг alpha range (8-12 Hz) -т барьдаг классикууд:
Mozart - Sonata for Two Pianos in D major (K. 448)
Bach - Air on the G String (Orchestral Suite No. 3)
Bach - Brandenburg Concertos (slow movements)
Bach - Largo from the Clavier Concerto in F minor (BWV 1056)
Albinoni - Adagio (Oboe Concerto Op. 9/11)
Pachelbel - Canon in D
Handel - Air from Water Music...

Судалгааны эх сурвалж:
https://pubmed.ncbi.nlm.nih.gov/17683456/
https://eprints.soton.ac.uk/48259

2006 онд Dr. Shinya Yamanaka эсийн 4 хүчин зүйл (Oct4, Sox2, Klf4, and c-Myc) буюу эдгээр 4 уургийг нас биед хүрсэн эсэд...
09/19/2026

2006 онд Dr. Shinya Yamanaka эсийн 4 хүчин зүйл (Oct4, Sox2, Klf4, and c-Myc) буюу эдгээр 4 уургийг нас биед хүрсэн эсэд их хэмжээгээр нэмэгдүүлэхэд анхан шатны үүдэл эсийн хэлбэртээ очдог гэдгийг нээсэн. Жишээ нь арьсны эс нас биед хүрснийхээ дараа анхны үүдэл эсийн хэлбэрээ дарангуйлж зөвхөн хуваагдах үйлдлийг л хийхэд төвлөрдөг. Харин Яаманакагийн аргачлалаар эдгээр 4 уургаар их хэмжээгээр тэтгэхэд эпигенетик нөлөөллүүд арилж ураг байх үеийн үүдэл эсийн хэлбэртээ очдог байна.

Ингээд энэ эс pluripotent буюу ямар ч эсэд хувирч болох хэлбэрт очно. Гэхдээ бүтэн биеийг нэг дор биологийн насыг нь ухраахад арай эрсдэлтэй гэж үздэг. Нээлт гарснаас хойш биеийн аль нэг эрхтэнгийн биологийн насжилтийг ухраах, өвчин, гэмтлийг анагаахад хэрэглэж туршиж ирсэн. Хэрхэн аюулгүйгээр, эдийн засгийн хувьд боломжийн үнэтэйгээр, процессийн хувьд хялбараар хийх вэ гэдэг дээр одоогоор гол өрсөлдөөн явагдаж байна.

Huberman, Sinclair 2-ын биотехнологийн компани нүдний биологийн насжилтийг ухраах хүн дээр хийж байгаа клиник туршилтыг салбарынхан амьсгаа даран хүлээж байна. Энэ туршилтаас өмнө хулганы ямар ч эрхтний насжилтыг ухраах, урагшлуулах үйлдлийг чөлөөтэй хийж байсан тул ихээхэн хүлээлт үүсээд байгаам. Синклайрын подкаст дээрээ хэлснээр зүгээр капсул залгих мэтийн хялбар аргаар шийдсэн гэж ярьж байсан.

Үүн дээр хиймэл оюун ухааны оролцоотойгоор хэдэн 100н жил зарцуулж нэг нэгээр нь комбинацуудыг турших ажлыг хэдхэн жилийн дотор хийж цаг хугацаа маш ихээр хэмнэж байгаа тул Anthropic-ын CEO хүний нас ухраах асуудалгүй гэж хэлж байсан байх аа. Anthropic бас биотехнологийн стартаптай хамтарч байгааг онцолмоор санагдаж байна.

Жич: Итали гутлын дэлгүүрийн пэйж нээгээд сэтгэгдэл бичсэн Ослод төгссөн "Хүний насыг ухраах ямар ч боломжгүй" гэсэн хүнд зориулав.

Нобелийн анагаахын шагналыг 2012 онд хүртсэн нээлт:
https://www.cell.com/cell/fulltext/S0092-8674(06)00976-7?

Өглөөний цайндаа 75+ нэр төрлийн жимс, жимсгэнэ, ногоо идэж чаддаг уу? Тэр дундаа ховор, хамгийн өндөр чанартай, органик...
09/13/2026

Өглөөний цайндаа 75+ нэр төрлийн жимс, жимсгэнэ, ногоо идэж чаддаг уу?
Тэр дундаа ховор, хамгийн өндөр чанартай, органикийг нь хэрэглэж чадах уу? Хэдийгээр боломж байсан ч, бодитоор тийм ихийг идэх боломжгүй байх.

Харин нэг арга байна. Манайд зарагдаж байгаа AG1 -ны тус бүтээгдэхүүн хөлдөөж хатаах технологиор 75+ гаруй нэр төрлийн хамгийн чанартай, органик жимс, ногоонуудыг багтаасан байдаг.

Хүний бие махбодь 2 төрлийн шим тэжээл хоол, хүнсээрээ дамжуулан авч эсүүдээ энергиэр тэтгэж, биеийн дотоод үйл ажиллагааг зохицуулдаг. 1-т макро шим тэжээлд уураг, өөх тос, нүүрс ус ордог. 2-т микро шим тэжээлд витамин, эрдэсүүд багтдаг. Аль нэг нь дутагдах үед доголдол үүсч өвчний шинж тэмдгүүд илэрдэг.

AG1 хүний биед хэрэгтэй микро шим тэжээлийг 100% байгалийн гаралтай найрлагаар дамжуулан бүрэн хэмжээгээр хангадаг. Байгалийн гаралтай тул хүний биед ихдэх эсвэл бусад сөрөг нөлөө гардаггүйгээрээ онцлогтой. Та лууван хэдий их идсэн ч луувангаас авсан А, Ц витаминаар хордохгүй шүү дээ. Мөн байгалийн гаралтай байх онцлог нь ходоод болон эсийн бүрхүүлүүд таньж нэвтрүүлдэг тул төгс шимэгдэлтэй байдаг.

Пробиотикуудын хувьд та бүгдийн сайн мэдэхээр CFU нэгжээр тэрбумаар тоолон хэмждэг. Гэвч асуудал нь ихэнх худалдаанд зарагдаж байгаа пробиотикууд үхэжсэн, эсвэл идэвхигүй байдаг тул хүний биед ямар ч нөлөөгүй байдаг. Харин Scientific Frontiers 2026 -аас хойш dPCR (digital polymerase chain reaction) хэмжүүрээр хэмжиж илэрхийлдэг болсон. AG1 найрлагандаа ямар нэг өөрчлөлт оруулаагүй, харин пробиотикуудаа илүү ШУ-ны дэвшилтэд технологиор илэрхийлж, амьд, идэвхитэй гэдгээ баталгаажуулж байгаа хэрэг юм.

Дэлгэрэнгүйг:
https://drinkag1.com/blog/post/digital-pcr-probiotic-testing

АНУ-ын Батлан хамгаалах яам хөгшрөлтийн эсрэг үйлчилгээ гэхээсээ илүүтэйгээр цэргүүдийнхээ гүйцэтгэл, тэсвэр тэвчээр, гэ...
09/08/2026

АНУ-ын Батлан хамгаалах яам хөгшрөлтийн эсрэг үйлчилгээ гэхээсээ илүүтэйгээр цэргүүдийнхээ гүйцэтгэл, тэсвэр тэвчээр, гэмтлээс түргэн эдгэрэх явц болон даалгавар гүйцэтгэх бэлэн байдлыг сайжруулах зорилготойгоор уг бэлдмэлд санхүүжилт хийжээ. Эдгээр үзүүлэлтүүд хөгжшрөлтийн нөлөөнөөс эрс буурч дахин шинээр цэргүүд бэлтгэх шаардлага байнга үүсдэг тул сайн бэлтгэгдсэн туршлагатай цэргүүдийгээ аль болох удаан албанд нь байлгах нь илүү ашигтай байсан болов уу.

Коммандлагчийн мэдэгдсэнээр SOCOM (Тусгай ажиллагааны командлал) MetroBiotech гэх био технологийн компанитай хамтран 2018 онд уг төсөлд 2.8 сая ам.доллар зарцуулж, хэд хэдэн үе шаттайгаар 2022 онд хэрэгжиж дуусаад байна.

MetroBiotech компани MIB-626 нэртэй НМН гарган авч патентийг нь эзэмшдэг бөгөөд зах зээлд худалдаалахгүй байгаа нь тус командлалд нийлүүлж байгааг илтгэж байна. Энэхүү НМН нь амаар уудаг, клиник зэрэглэлийн цэвэршилттэй, GMP үйлдвэрт АНУ-д үйлдвэрлэгдсэн гэдгээрээ манайд зарагдаж байгаа НМН-тэй адилхан юм.

Америк ойрын хэдэн жилд анагаахын үсрэнгүй хөгжлийнхөө үр дүнг ийнхүү цэрэг, армиа сайжруулах зорилгоор ашиглаж байгаа миний мэдэх 2дахь тохиолдол байхаа. 2ланг нь хэрэглэдэг байвал яах уу :)

https://www.genengnews.com/topics/drug-discovery/u-s-special-operations-command-to-test-anti-aging-pill/?

Зүрхний шигдээс, цус харвах, цусны даралт, холестрол нэмэгдэх, зүрх гэх мэт дотоод эрхтэнүүд томрох, үргүйдэл, эр бэлгий...
09/06/2026

Зүрхний шигдээс, цус харвах, цусны даралт, холестрол нэмэгдэх, зүрх гэх мэт дотоод эрхтэнүүд томрох, үргүйдэл, эр бэлгийн эсийн тоо багасах, бэлгийн сулрал, элэгний өвчлөл болон хавдар, сэтгэл зүйн олон төрлийн эмгэг, их хэмжээний батгашилт, хэрэглэхээ зогсоосон үед биеэс ялгарах тестостероны түвшин буурсан чигтээ тогтох, withdrawal шинж тэмдгүүд илрэх гэх мэт олон сөрөг дагавартай.

Ер нь хэрэглэдэг хүмүүсийг шууд хараад л танихад илт мэдэгдэхээр байдаг шүү.

Хэрэглээд хэрэггүй шүү.

https://www.nhs.uk/content-widgets/health-a-to-z/anabolic-steroid-misuse

https://www.columbiadoctors.org/health-library/article/anabolic-steroids/

Урлагийн ямар нэгэн үйл ажиллагаанд тогтмол оролцох нь урт наслалтыг дэмждэг. Жишээлбэл, музей, үзвэр, галлерэй үзэх, зу...
09/01/2026

Урлагийн ямар нэгэн үйл ажиллагаанд тогтмол оролцох нь урт наслалтыг дэмждэг. Жишээлбэл, музей, үзвэр, галлерэй үзэх, зураг зурах, номын клубд явах гэх мэт сайн дурын нийгмийн харилцаанд оролцох нь архаг үрэвслийг намдааж, стресс бууруулах, зүрх судасны үйл ажиллагааг сайжруулах гэх мэт нөлөөтэйг University of College London-гийн судлаачид онцолжээ.

Судалгаанд Их Британын 3,556 насанд хүрсэн хүмүүс оролцож цусны шинжилгээгээр биологийн насжилтыг (DunedinPoAm, DunedinPACE гэсэн эпигенетикийн насжилтыг тооцоолуур ашигласан) 4%-иар уртасгаж байгааг илрүүлжээ. Сонирхолтой нь дасгал хөдөлгөөн хийсэнтэй дүйцэхүйц хэмжээнд нөлөөлж байсан байна.

Судалгаагаар хэр олон төрлийн урлагийн үйл ажиллагаа болон хэр олон давтамжтайгаар оролцож байгаа нь үр дүнд илүүтэй нөлөөлж байгааг дурьдсан. Энэ нөлөө удаан хугацааны дараа хүртэл хадгалагдсан байна.

Мөн судалгаанд BMI (таргалалт), тамхины хэрэглээ, орлогын болон боловсролын түвшин зэргийг судлагааны үр дүнд нөлөөлөл үзүүлээгүй. (Ерөнхийдөө орлого, боловсролын түвшин өндөр хүмүүс урт, эрүүл наслах хандлага нь аль ч улсад байдаг тул судалгаанд энэ үзүүлэлтийн нөлөөг байгаа эсэхийг давхар шалгадаг.)

Жич: судалгаанд оролцогчид ямар урлагийн үйл ажиллагаанд оролцсон нь тодорхойгүй. Эпигенетикийн насжилтыг тооцоолуур тийм ч сайн төгөлдөржөөгүй байгааг бас анхаарах хэрэгтэй. Дасгал хөдөлгөөнтэй дүйцэхүйц гэдэг нь тодорхой нэг био үзүүлэлтийн хувьд гарсан нөлөө бөгөөд дасгал хөдөлгөөнтэй адилхан механизмаар ажилладаг гэж ойлгож болохгүй юм.

https://medicalxpress.com/news/2026-05-engaging-arts-linked-slower-aging.html

Address

Chicago, IL

Telephone

+12177072211

Website

Alerts

Be the first to know and let us send you an email when As we age posts news and promotions. Your email address will not be used for any other purpose, and you can unsubscribe at any time.

Shortcuts

Share

Category