Happy Kidz Health & Wellness

  • Home
  • Happy Kidz Health & Wellness
Directions Website

Happy Kidz Health & Wellness Child Health Knowledge ✅ Consultation with Doctor

15/10/2026

ကလေးလေးတွေ ထမင်းစားဖို့ ဂျီကျနေလို့၊ အစားရွေးလွန်းလို့ စိတ်ညစ်နေရပြီလား မေမေဖေဖေတို့? 🤔

#ကလေးကျန်းမာရေး #သံဓာတ်ချို့တဲ့ခြင်း #ကလေးထမင်းမစားခြင်း

15/10/2026

ပထမကလေးမွေးပြီး နောက်ထပ်ရင်သွေးလေး ထပ်ယူဖို့ စဉ်းစားနေပြီလား? 👶💭

#သားဆက်ခြားခြင်း #မိခင်နှင့်ကလေး #ကျန်းမာရေးဗဟုသုတ #မိသားစုဘဝ #ကလေးပြုစုပျိုးထောင်ခြင်း

13/10/2026

ကလေးက အစားမစားချင်ဘူး၊ ထမင်းကျွေးရတာ ခက်ခဲနေတယ်ဆိုရင် ဘယ်လိုအားဆေးမျိုးကို ရွေးချယ်သင့်သလဲ? 🤔

ကလေးတွေရဲ့ ခန္ဓာကိုယ် ဖွံ့ဖြိုးတိုးတက်ဖို့နဲ့ အစာစားချင်စိတ်ကို ဖြစ်ပေါ်စေဖို့ဆိုရင် မှန်ကန်တဲ့ အာဟာရဓာတ်တွေ လိုအပ်ပါတယ်။ သားသားမီးမီးတို့အတွက် လိုအပ်တဲ့ အာဟာရဓာတ်တွေနဲ့ Lysine အပြည့်အဝပါဝင်တဲ့ က မေမေတို့ရဲ့ အပူတွေကို ကူညီဖြေရှင်းပေးဖို့ အသင့်ရှိနေပါတယ်။ 🧡

ဗီဒီယိုလေးကို အဆုံးထိကြည့်ပြီး ကလေးတို့အတွက် အကောင်းဆုံးကို ရွေးချယ်လိုက်ကြရအောင်။ ✨


#ကလေးကျန်းမာရေး #အစားမစားတဲ့ကလေး #ကလေးအားဆေး #ကျန်းမာရေးဗဟုသုတ

ကလေးတွေ ဝမ်းမသွားရင် ဝမ်းချူပေးတာ ကောင်းလား? 💩မေမေဖေဖေတို့ရေ... ကလေးဝမ်းမသွားတဲ့ရက်တွေ များလာရင် စိတ်ပူပြီး ချက်ချင်း ဝမ...
10/10/2026

ကလေးတွေ ဝမ်းမသွားရင် ဝမ်းချူပေးတာ ကောင်းလား? 💩

မေမေဖေဖေတို့ရေ... ကလေးဝမ်းမသွားတဲ့ရက်တွေ များလာရင် စိတ်ပူပြီး ချက်ချင်း ဝမ်းချူဆေးလေး ထည့်ပေးလိုက်ရမလားဆိုပြီး စဉ်းစားမိတတ်ကြတယ်မလား?

တကယ်တော့ ဝမ်းချူတာဟာ ကလေးဝမ်းအရမ်းမာပြီး အရေးပေါ် သက်သာဖို့အတွက်သာ ဆရာဝန်ညွှန်ကြားချက်နဲ့ ရံဖန်ရံခါ သုံးသင့်တာပါ။ ခဏခဏ ဝမ်းချူပေးတာဟာ ကလေးတွေအတွက် လုံးဝ (လုံးဝ) မကောင်းပါဘူး။
ဘာကြောင့်လဲဆိုတော့ -

အကျင့်ပါသွားတတ်ခြင်း: ခဏခဏ ချူပေးနေရင် ကလေးရဲ့ အူမကြီးက သူ့အလိုလို ညှစ်ထုတ်ချင်တဲ့ စွမ်းရည် (Bowel reflex) လျော့ကျသွားပြီး ဆေးမပါရင်၊ မချူပေးရင် ဝမ်းမသွားတတ်တော့တဲ့အထိ ဖြစ်သွားတတ်ပါတယ်။

နာကျင်မှုနဲ့ ကြောက်ရွံ့ခြင်း: ချူဆေးထည့်တဲ့အခါ ကလေးက နာကျင်၊ ကသိကအောက်ဖြစ်တဲ့အတွက် နောက်ပိုင်း အိမ်သာတက်ရမှာကို ကြောက်သွားတတ်ပါတယ်။ ကြောက်တော့ ဝမ်းကို ပိုအောင့်ထားတတ်ပါတယ်။ ဝမ်းအောင့်ထားလေ ဝမ်းက ပိုမာပြီး ပိုချုပ်လေ ဖြစ်သွားတဲ့ သံသရာလည်နေတတ်ပါတယ်။

အနာဖြစ်နိုင်ခြေ: ဆေးထည့်တဲ့အခါ ကလေးက ရုန်းကန်လို့ဖြစ်စေ၊ စနစ်တကျ မဖြစ်ရင်ဖြစ်စေ စအိုဝပတ်လည်မှာ ပွန်းပဲ့တာ၊ စအိုကွဲတာ (A**l fissure) တွေ ဖြစ်နိုင်ပါတယ်။ ဒါဆိုရင် ဝမ်းသွားတိုင်း နာနေတော့မှာပါ။

ဒါဆို ဝမ်းချုပ်ရင် ဘယ်လိုလုပ်ရမလဲ?
✅ ရေများများ တိုက်ပါ: ခန္ဓာကိုယ်မှာ ရေဓာတ်ပြည့်ဝနေမှ ဝမ်းက မာမသွားမှာပါ။

✅ အမျှင်ဓာတ် (Fiber) ကျွေးပါ: သင်္ဘောသီး၊ နဂါးမောက်သီး၊ ကန်စွန်းဥ၊ ပန်းသီး၊ သစ်တော်သီး စတဲ့ အသီးအနှံတွေနဲ့ ဟင်းသီးဟင်းရွက်တွေကို နေ့စဉ် ပါအောင် ကျွေးပေးပါ။

✅ အချိန်မှန် အိမ်သာတက်ခိုင်းပါ: မနက်စာစားပြီးချိန်လိုမျိုးမှာ ကလေးကို အိမ်သာထိုင်တဲ့ အကျင့် (Toilet training) လုပ်ပေးပါ။

✅ ဆရာဝန်နဲ့ တိုင်ပင်ပါ: ဝမ်းအရမ်းချုပ်နေရင် ချူဆေးထက်စာရင် ဆရာဝန်နဲ့တိုင်ပင်ပြီး ဝမ်းပျော့စေတဲ့ သောက်ဆေး (Laxatives) အသုံးပြုတာက ပိုပြီး စိတ်ချရသလို ရေရှည်အတွက်လည်း ပိုကောင်းပါတယ်။

ကလေးဝမ်းချုပ်တဲ့ ပြဿနာက ချက်ချင်းပျောက်သွားတာမျိုး မဟုတ်ဘဲ အစားအသောက်၊ အနေအထိုင် ပြောင်းလဲတာတွေကို အချိန်ယူပြီး ကုသဖို့ လိုအပ်ပါတယ်။ ဒါကြောင့် မကြာခဏ ဝမ်းချုပ်တတ်တဲ့ ကလေးတွေကို ဆရာဝန်၊ ကလေးအထူးကု ဆရာဝန်တွေနဲ့ ပြသပြီး သေချာလေး ကုသမှု ခံယူဖို့ အကြံပေးချင်ပါတယ်။

ကလေးလမ်းလျှောက်တတ်စမှာ ဖိနပ်စီးပေးသင့်ပြီလား ❓👣သားသားမီးမီးလေးတွေ စပြီး လမ်းလျှောက်တတ်စ အရွယ်ရောက်လာပြီဆိုရင် ဖေဖေမေမေတိ...
10/10/2026

ကလေးလမ်းလျှောက်တတ်စမှာ ဖိနပ်စီးပေးသင့်ပြီလား ❓👣

သားသားမီးမီးလေးတွေ စပြီး လမ်းလျှောက်တတ်စ အရွယ်ရောက်လာပြီဆိုရင် ဖေဖေမေမေတို့ အမေးအများဆုံး မေးခွန်းလေးတစ်ခု ရှိပါတယ်။ "ကလေးကို ဖိနပ် စီးပေးလို့ ရပြီလား" တဲ့။

အဖြေကတော့ - အိမ်ထဲမှာဆိုရင် ခြေဗလာနဲ့ လမ်းလျှောက်တာက အကောင်းဆုံးပါပဲ။
ဘာလို့လဲဆိုတော့ ကလေးတွေဟာ သူတို့ရဲ့ ခြေဖဝါးလေးတွေကနေတစ်ဆင့် ကြမ်းပြင်ကို တိုက်ရိုက် ထိတွေ့ခံစားရတဲ့အခါ ဟန်ချက်ကို ပိုပြီး ကောင်းကောင်း ထိန်းနိုင်လို့ပါ။ ဒါ့အပြင် ခြေဗလာနဲ့ လမ်းလျှောက်ခြင်းက ကလေးရဲ့ ခြေထောက်ကြွက်သားလေးတွေ၊ အရွတ်လေးတွေ ပုံမှန် ဖွံ့ဖြိုးသန်စွမ်းဖို့အတွက် အများကြီး အထောက်အကူ ဖြစ်စေပါတယ်။

ဒါဆို ဘယ်အချိန်မှာ ဖိနပ်စီးပေးရမလဲ?
အပြင်ထွက်တဲ့အခါ၊ ပန်းခြံသွားတဲ့အခါ၊ ဒါမှမဟုတ် ကြမ်းတမ်းတဲ့ မျက်နှာပြင်တွေ (ကျောက်စရစ်ခဲ၊ ပူလွန်း/အေးလွန်းတဲ့ ကြမ်းပြင်) ပေါ် လမ်းလျှောက်တဲ့အခါမှာတော့ ကလေးခြေထောက်လေးတွေ အန္တရာယ်မဖြစ်အောင်၊ မထိခိုက်အောင် ကာကွယ်ဖို့ ဖိနပ်စီးပေးဖို့ လိုအပ်ပါတယ်။

ကလေးအတွက် ဖိနပ်ရွေးချယ်တဲ့အခါ သတိထားရမယ့် အချက်များ -
ပေါ့ပါးပြီး ပျော့ပျောင်းရပါမယ်: ကလေးခြေဖျားလေးတွေ ကွေးဆန့်လို့ရတဲ့ အပျော့စား ဖိနပ်မျိုး ဖြစ်ရပါမယ်။ ဖိနပ်က အရမ်းမာနေရင် လမ်းလျှောက်ရ ခက်စေပါတယ်။
ချော်မလဲစေရ: အောက်ခံခွာ (Sole) ဟာ ချော်မလဲစေတဲ့ (Non-slip) အမျိုးအစား ဖြစ်ဖို့ အရေးကြီးပါတယ်။
ကွက်တိဖြစ်ပါစေ: အရမ်းကျပ်လွန်းတာ၊ အရမ်းချောင်လွန်းတာမျိုး မဖြစ်စေဘဲ လေဝင်လေထွက်ကောင်းတဲ့ ဖိနပ်လေးတွေကို ရွေးချယ်ပေးပါ။

အချုပ်ပြောရရင်တော့ ကလေးတွေ ဟန်ချက်ညီညီ လမ်းလျှောက်တတ်ဖို့နဲ့ ခြေထောက်လေးတွေ သန်စွမ်းဖို့ အိမ်ထဲမှာ ခြေဗလာလေးပဲ လွှတ်ထားပေးပါ။ အပြင်သွားမှသာ သင့်တော်တဲ့ ဖိနပ်လေးတွေ စီးပေးပါနော်။

ဖေဖေမေမေတို့ရဲ့ သားသားမီးမီးလေးတွေကော အခု ဘယ်အရွယ်ရောက်နေပြီလဲ? လမ်းလျှောက်တတ်ပြီလားဆိုတာ Comment မှာ မျှဝေပေးသွားပါဦး။ 🥰

30/09/2026

"ကလေးများအတွက် အားဆေးကို ဘယ်အချိန်မှာ အကောင်းဆုံး တိုက်ကျွေးသင့်သလဲ" ဆိုတဲ့ မေးခွန်းအတွက် အဖြေကို ဒီဗီဒီယိုမှာ အသေးစိတ် ရှင်းပြပေးထားပါတယ်!
အဓိက ပါဝင်တဲ့ ဗီတာမင်တွေဖြစ်တဲ့ ဗီတာမင် C၊ Iron နဲ့ တခြား Multivitamin တွေကို နေ့ဘက်လား? ဒါမှမဟုတ် ညဘက်လား? ဘယ်အချိန်မှာ တိုက်ကျွေးရင် ကလေးရဲ့ ကျန်းမာရေးအတွက် ပိုမို ထိရောက်မှု ရှိစေမလဲဆိုတာကို သိရှိနိုင်ဖို့ ဗီဒီယိုလေးကို အဆုံးထိ ကြည့်ရှုလိုက်ပါနော်!
#ကလေးအားဆေး
#ကလေးကျန်းမာရေး


28/09/2026

သားအိမ်ခေါင်းကင်ဆာကို ကြိုတင်ကာကွယ်ဖို့ Gardasil (HPV) ကာကွယ်ဆေးကို ဘယ်အသက်အရွယ်တွေမှာ ထိုးနှံသင့်လဲ? 🤔
အမျိုးသမီးတွေမှာ အဖြစ်များတဲ့ သားအိမ်ခေါင်းကင်ဆာကို ကြိုတင်ကာကွယ်နိုင်ဖို့အတွက် HPV ကာကွယ်ဆေးထိုးနှံခြင်းက အထိရောက်ဆုံး နည်းလမ်းတစ်ခုဖြစ်ပါတယ်။ အသက်အရွယ်အလိုက် ထိုးနှံရမယ့် အကြိမ်အရေအတွက်ကတော့...
🔹 အသက် (၉) နှစ်မှ (၁၄) နှစ်အရွယ် - (၂) ကြိမ်
🔹 အသက် (၁၅) နှစ်မှ (၄၅) နှစ်နဲ့အထက် - (၃) ကြိမ် ထိုးနှံပေးဖို့ လိုအပ်ပါတယ်။
မိမိနဲ့ မိမိချစ်ခင်ရသူတွေရဲ့ ကျန်းမာရေးအတွက် အကောင်းဆုံးကာကွယ်မှုရယူဖို့ "NobleCare အထူးကုဆေးခန်း" မှာ ခုပဲ လာရောက်တိုင်ပင်ဆွေးနွေးလိုက်ပါ 💙

ကလေး ဝမ်းထဲမှာ အချွဲတွေပါလာရင် စိုးရိမ်ရလား။ 🤔💩မေမေဖေဖေတို့ရေ... သားသားမီးမီးတို့ ဝမ်းသွားတဲ့အခါ ဝမ်းထဲမှာ အချွဲတွေပါလာတ...
27/09/2026

ကလေး ဝမ်းထဲမှာ အချွဲတွေပါလာရင် စိုးရိမ်ရလား။ 🤔💩

မေမေဖေဖေတို့ရေ... သားသားမီးမီးတို့ ဝမ်းသွားတဲ့အခါ ဝမ်းထဲမှာ အချွဲတွေပါလာတာကို မြင်ရင် လန့်သွားတတ်ကြတယ်မလား။ အထူးသဖြင့် ကလေးငယ်လေးတွေမှာ ဒီလိုဖြစ်တာကို ခဏခဏ တွေ့ရတတ်ပါတယ်။

တကယ်တော့ ဝမ်းထဲမှာ အချွဲအနည်းငယ်ပါတာဟာ စိုးရိမ်စရာမရှိပါဘူး။ လူ့ခန္ဓာကိုယ်ရဲ့ အူလမ်းကြောင်းကနေ အစာတွေ ချောချောမွေ့မွေ့ ရွေ့လျားနိုင်အောင် အချွဲရည်လေးတွေ သဘာဝအတိုင်း ထုတ်ပေးတတ်လို့ပါ။ ဒါ့အပြင် သွားပေါက်မယ့် အရွယ်ကလေးတွေမှာ သွားရည်တွေ အများကြီးထွက်ပြီး အဲဒီသွားရည်တွေကို မျိုချမိတဲ့အခါမှာလည်း ဝမ်းထဲ အချွဲတွေ ပါလာတတ်ပါတယ်။

ဒါပေမယ့် ဘယ်လိုအခြေအနေမျိုးဆိုရင် ဆရာဝန်နဲ့ ပြသဖို့ လိုအပ်မလဲ 🚨
အောက်ပါ လက္ခဏာတွေထဲက တစ်ခုခုနဲ့ တွဲဖြစ်နေပြီဆိုရင်တော့ သတိထားရပါမယ် -
📍ဝမ်းထဲမှာ အချွဲတွေ အများကြီး (သို့မဟုတ်) ရက်ဆက်ဆိုသလို ပါနေရင်
📍အချွဲအပြင် သွေးစသွေးနတွေပါ ရောပါလာရင်
ကလေးက ကိုယ်ပူပြီး ဖျားနေရင်
📍ဝမ်းပျက်ဝမ်းလျှောဖြစ်တာ၊ မကြာခဏ အန်တာတွေ ရှိလာရင်
📍ကလေးက မှိုင်းကျသွားတာ၊ ကစားလေ့မရှိတော့တာ
နို့ကောင်းကောင်းမစို့တော့တာ (သို့) ရေဓာတ်ခန်းခြောက်တဲ့ လက္ခဏာတွေ ပြလာရင် (ဥပမာ - မျက်လုံးချိုင့်ဝင်တာ၊ ဆီးသွားနည်းတာ)

ဒီလိုလက္ခဏာတွေ ပြလာပြီဆိုရင်တော့ အူလမ်းကြောင်း ပိုးဝင်တာ (Bacterial/Viral Infection) ဒါမှမဟုတ် နို့နဲ့မတည့်တာ (Cow's Milk Protein Allergy) စတဲ့ အကြောင်းရင်းတွေကြောင့် ဖြစ်နိုင်ပါတယ်။ ဒါကြောင့် အချိန်မဆွဲဘဲ နီးစပ်ရာ ကလေးအထူးကု ဆရာဝန်နဲ့ အမြန်ဆုံး သွားရောက်ပြသသင့်ပါတယ်။

ကလေးကျန်းမာရေးနဲ့ ပတ်သက်ပြီး စိုးရိမ်စရာ တစ်ခုခုရှိလာရင်ပဲဖြစ်ဖြစ်၊ သေချာစစ်ဆေး ကုသမှုခံယူချင်ရင်ပဲဖြစ်ဖြစ် တာမွေမြို့နယ်၊ တောင်မြင်းပြိုင်ကွင်းလမ်းမှာရှိတဲ့ NobleCare အထွေထွေနှင့် အထူးကုဆေးခန်းကို ယုံကြည်စိတ်ချစွာ လာရောက်ပြသ တိုင်ပင်ဆွေးနွေးနိုင်ပါတယ်နော်။ 💙

#ကလေးကျန်းမာရေး

ကလေးအရေပြားမှာ အနီဖုတွေထွက်လာရင် ဘာလုပ်ရမလဲ။ 👶🛑မေမေဖေဖေတို့ရေ... ကလေးလေးတွေရဲ့ နုနယ်တဲ့အရေပြားမှာ အနီဖုလေးတွေ၊ အင်ပြင်တွ...
20/09/2026

ကလေးအရေပြားမှာ အနီဖုတွေထွက်လာရင် ဘာလုပ်ရမလဲ။ 👶🛑

မေမေဖေဖေတို့ရေ... ကလေးလေးတွေရဲ့ နုနယ်တဲ့အရေပြားမှာ အနီဖုလေးတွေ၊ အင်ပြင်တွေ ထွက်လာတာကို မြင်ရရင် စိတ်ပူတတ်ကြတာ သဘာဝပါ။ အနီဖုထွက်ရတဲ့ အကြောင်းရင်းတွေက အများကြီးရှိနိုင်ပါတယ်။ ဥပမာ - ခြင် ဒါမှမဟုတ် အင်းဆက်ကိုက်တာ၊ ပူအိုက်လို့ ချွေးကန်တာ (ချွေးဖု)၊ အစားအစာနဲ့ အသုံးအဆောင် တစ်ခုခုကြောင့် ဓာတ်မတည့်တာ (Allergy) ဒါမှမဟုတ် ဗိုင်းရပ်စ်ပိုး တစ်ခုခုကြောင့် အဖြစ်များပါတယ်။

အိမ်မှာ သက်သာအောင် ဘယ်လိုလုပ်ပေးနိုင်မလဲ။
✅သန့်ရှင်းရေး ဂရုစိုက်ပါ: ရေကြက်သီးနွေးလေးနဲ့ ရေချိုးပေးပါ။ အမွှေးနံ့ပြင်းတဲ့ ဆပ်ပြာတွေကိုရှောင်ပြီး ဆပ်ပြာအပျော့စား (Baby soap) ကိုသာ သုံးပေးပါ။

✅အေးမြအောင် ထားပါ: ချွေးဖုတွေဆိုရင် ကလေးကို ပေါ့ပေါ့ပါးပါး ချည်သားအဝတ်အစားလေးတွေ ဝတ်ပေးပြီး လေဝင်လေထွက်ကောင်းတဲ့ နေရာမှာ ထားပေးပါ။ အရမ်းထူတဲ့ အဝတ်တွေ ထပ်မဝတ်ပါနဲ့။

✅မကုတ်မိအောင် ကာကွယ်ပါ: ယားလို့ ကုတ်မိရင် ပိုးဝင်ပြီး အနာဖြစ်နိုင်တာမို့ ကလေးလက်သည်းလေးတွေကို တိုတိုညှပ်ပေးထားပါ။ ယားယံတာ သက်သာစေမယ့် Calamine လို လိမ်းဆေးရည်မျိုး ပါးပါးလိမ်းပေးနိုင်ပါတယ်။

✅ဓာတ်မတည့်တာတွေကို ရှောင်ပါ: အစားအစာသစ်ကျွေးတာ၊ အဝတ်အစားသစ် ဝတ်ပေးတာ၊ ပေါင်ဒါနဲ့ လိမ်းဆေး အသစ်တွေကြောင့် ဖြစ်နိုင်သလားဆိုတာ သတိထားစောင့်ကြည့်ပြီး ရှောင်ရှားပါ။

ဘယ်အချိန်မှာ ဆရာဝန်နဲ့ အမြန်ဆုံး ပြသသင့်လဲ။ 🚨
အနီဖုတွေက ရက်ကြာလာတဲ့အထိ မသက်သာဘဲ တစ်ကိုယ်လုံးကို ပြန့်သွားရင်
အဖျားကြီးလာရင် (သို့မဟုတ်) ကလေးက အရမ်းမှိုင်နေရင်
အရေပြားမှာ အရည်ကြည်ဖုလေးတွေ ဖြစ်လာပြီး ပြည်တည်လာရင်
ကလေးက အရမ်းဂျီကျပြီး နို့မစို့၊ အစာမစားတော့ရင်
မျက်နှာ၊ နှုတ်ခမ်းတွေ ရောင်ရမ်းလာပြီး အသက်ရှူကြပ်တဲ့ လက္ခဏာတွေ ပြလာရင်

အထက်ပါ လက္ခဏာတွေရှိလာရင် ဒါမှမဟုတ် ကလေးရဲ့ အရေပြားပြဿနာနဲ့ ပတ်သက်ပြီး သေချာစစ်ဆေး ကုသမှုခံယူချင်တယ်ဆိုရင်တော့ တာမွေမြို့နယ်၊ တောင်မြင်းပြိုင်ကွင်းလမ်းမှာရှိတဲ့ နိုဘယ်ကဲ (NobleCare) အထွေထွေနှင့် အထူးကုဆေးခန်းကို ကလေးငယ်ကို ခေါ်ဆောင်လာပြီး လာရောက်ပြသ တိုင်ပင်နိုင်ပါတယ်။
ကလေးငယ်တိုင်း ကျန်းမာပျော်ရွှင်စွာ ကြီးပြင်းနိုင်ကြပါစေ။ ❤️

💡 HPV ကာကွယ်ဆေးထိုးမယ်ဆိုရင် Gardasil 4 နဲ့ Gardasil 9 ဘယ်ဟာရွေးသင့်လဲ?“ဈေးပိုကြီးတာနဲ့ ဈေးသက်သာတာပဲ ကွာတာလား?” 🤔တကယ်တော...
12/09/2026

💡 HPV ကာကွယ်ဆေးထိုးမယ်ဆိုရင် Gardasil 4 နဲ့ Gardasil 9 ဘယ်ဟာရွေးသင့်လဲ?

“ဈေးပိုကြီးတာနဲ့ ဈေးသက်သာတာပဲ ကွာတာလား?” 🤔

တကယ်တော့ ကာကွယ်ပေးနိုင်တဲ့ HPV ပိုးအမျိုးအစား အရေအတွက် ကွာပါတယ်။

🛡️ Gardasil 4
✅ HPV Type 6, 11, 16, 18 ကို ကာကွယ်ပေးနိုင်
✅ သားအိမ်ခေါင်းကင်ဆာဖြစ်စေတဲ့ အဓိက HPV ပိုးများကို ကာကွယ်ပေးနိုင်
✅ လိင်အင်္ဂါကြွက်နို့ရောဂါကိုလည်း ကာကွယ်ပေးနိုင်

🛡️ Gardasil 9
✅ Gardasil 4 မှာပါတဲ့ HPV 4 မျိုးအပြင်
✅ HPV Type 31, 33, 45, 52, 58 ကိုပါ ထပ်မံကာကွယ်ပေးနိုင်
✅ သားအိမ်ခေါင်းကင်ဆာ ကာကွယ်နိုင်စွမ်း ပိုမိုကျယ်ပြန့်

📌 အလွယ်ပြောရရင်…

👉 Gardasil 4 = HPV ပိုး (၄) မျိုးကို ကာကွယ်
👉 Gardasil 9 = HPV ပိုး (၉) မျိုးကို ကာကွယ်

ဒါကြောင့် ကာကွယ်မှု ပိုမိုကျယ်ပြန့်စေချင်ရင် Gardasil 9 ကို ရွေးချယ်နိုင်ပါတယ်။

👧👦 မိန်းကလေးရော ယောက်ျားလေးရော ထိုးနိုင်ပါတယ်
💉 အသက် ၉ နှစ်ကစပြီး ထိုးနိုင်ပါတယ်
⭐ လိင်ဆက်ဆံမှု မစတင်မီ ထိုးနှံခြင်းက အကောင်းဆုံးဖြစ်ပါတယ်

❓”ကျွန်မအသက် ၂၅ နှစ်ကျော်ပြီ၊ ထိုးလို့ရသေးလား?”
❓”Gardasil 4 ထိုးပြီးသားဆို Gardasil 9 ထပ်ထိုးသင့်လား?”
❓”သားလေးကို ထိုးပေးသင့်လား?”

ဒီမေးခွန်းတွေကို သိချင်ရင် Messenger မှာ လာရောက်မေးမြန်းနိုင်ပါတယ်။

🏥 NobleCare အထူးကုဆေးခန်း

📞 09 770 555 818

📍 အမှတ် (၃၂)၊ တောင်မြင်းပြိုင်ကွင်းလမ်း၊ တာမွေမြို့နယ်၊ ရန်ကုန်မြို့

🕘 နေ့စဉ် မနက် ၉:၀၀ မှ ည ၇:၀၀ အထိ ဖွင့်လှစ်ထားပါသည်

Address

24

10025

Website

Alerts

Be the first to know and let us send you an email when Happy Kidz Health & Wellness posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed health & beauty business?

Share