https://www.facebook.com/668750012987282/

Ons Spesiale Storie

Home
South Africa
Potchefstroom
Ons Spesiale Storie

Directions

🧩 Ons deel ons pad met Outisme.
✝️ Stories en bewusmaking vir ouers, families en vriende.
💛 Elke storie is uniek.

30/10/2026

Klein aanpassings wat ’n groot verskil maak! 💙 So mooi om te sien hoe Laerskool Middelburg in kinders se verskillende behoeftes voorsien. Mag meer skole hierdie voorbeeld volg!

Pilates ball, ‘n rek, ‘n tennisbal, “weighted blanket”…alles welkome, waardevolle hulpmiddels vir ons koedoekoppies!

28/10/2026

14/10/2026

24/09/2026

Hoe geseënd is mens nie om net jou mond te kan oopmaak en te praat nie?
Vir sommige kinders op die outistiese spektrum is dit nie so eenvoudig nie.
Wees dankbaar vir elke woord wat jy en jou kinders kan sê.💙

14/09/2026

01/09/2026

Vandag was so ‘n bittersoet dag vir my. Ek het die voorreg gehad om ons boekie “My Maat Pieter” vir Sannieshof se kleuterskool te gaan voorlees. Dit was immers met dié maats in my agterkop wat ek die idee vir die boekie gekry het…
Terwyl ek lees van Pieter wat nie kan stilsit nie….loop hy rond tussen deur al die maats wat sit en aandagtig luister.
Terwyl ek lees van Pieter wat soms snaakse geluide maak….weerklink sy “aaaaahhhh” geluid deur die klas.
As ek vir die maats die gedeelte lees van Pieter wat net wit kos eet, knik hul hulle koppies.
Ek het sommer ‘n knop in my keel gekry…want nou verstaan hulle hom so ‘n bietjie beter.

Hulle besef dat dit “okay” is om anders te wees en dat maatjies wat anders is, ook deel mag wees van die klas…op hul eie manier.

Daar waar die pad nog duister is, sal God ‘n pad maak. Net soos wat Hy met die boekie vir my bly wys het waar om volgende te gaan en wat om volgende te doen. Al wens ek elke dag dat hierdie nie ons pad was nie….sien ek hoe God dit ten goede laat meewerk.

Ek kan na vandag met ‘n rustige hart sê, daar is ‘n hele paar kinders wat hul maat Pieter, beter verstaan.

25/08/2026

28/07/2026

Vandag deel ek met julle baie opwindende nuus!

Ons het ’n boekie geskep wat kinders meer oor outisme leer.

Die idee vir hierdie boekie het ontstaan toe ek begin wonder het hoe die ander kinders vir Pieter by die kleuterskool sou ervaar. Sou hulle hom verstaan? Sou hulle sy manier van doen aanvaar? Dit het my hart geraak en my laat besef hoe nodig so ’n storie is.

Ek wou graag ’n boekie skep wat nie net by Pieter se situasie pas nie, maar wat ook ander kinders kan help om outisme beter te verstaan. Met die hulp van my twee skoonsussies het ons toe ingespring en saam ’n pragtige boekie gemaak wat kinders deur middel van ’n storie leer. Agter in die boek is daar ook verduidelikings oor outisme vanuit ’n mediese oogpunt.

Ons beplan nog ’n hele reeks stories oor maatjies wat elkeen op hul eie manier uniek is.

‘n Spesiale dankie aan Elanie Kamffer & Dr Elri du Preez dat jul hierdie reis saam met my aangepak het.

02/07/2026

Ek wil net deel hoe ongelooflik dankbaar ek is vir hulpmiddels soos ChatGPT.

Pieter verstaan nie altyd wanneer ek vir hom probeer verduidelik wat gaan gebeur nie. Verandering in sy roetine, en veral wanneer ek weggaan, kan hom baie angstig maak.

Ek en Lira gaan vir twee aande weg, en ek wou graag vir hom iets maak wat hy maklik kan verstaan. Met ou “chat” kon ek hierdie eenvoudige visuele skedule saamstel – let wel hy gaan glad nie die kos op dié prentjie eet nie 🤣

En ja… die mammahart voel altyd ’n bietjie skuldig om weg te gaan. Ek raak vreeslik gespanne as ek weet hy verstaan nie waar ek is en wanneer ek terugkom nie.

Ek besef ook hoe belangrik dit is dat Lira soms eksklusiewe tyd saam met my kry. Sy deel my elke dag met haar boetie en moet meeste van die tyd die minste wees.

Ek is opreg dankbaar vir tegnologie wat ons as ouers kan help om moeilike situasies net ’n bietjie makliker te maak.

Address

Potchefstroom

Website

facebook.com

Alerts

Be the first to know and let us send you an email when Ons Spesiale Storie posts news and promotions. Your email address will not be used for any other purpose, and you can unsubscribe at any time.