Scaylar Jane Louwies Leukemia Warior Princess

Home
South Africa
Rustenburg Ext 1
Scaylar Jane Louwies Leukemia Warior Princess

Directions Website

🎗️ Scayler Jane | Little Leukemia Warrior 💗
🩸 Fighting B-ALL since 29 Oct 2024
💪 Tiny girl. Mighty fighter.
🙏 Faith • Hope • Prayers
💗 Follow Scayler’s journey

30/10/2026

29 Oktober 2024 – Die dag toe ons wêreld vir altyd verander het.

My liefste Sky Pie, my Scaylar Jane Louwies princess

Twee jaar gelede op hierdie dag het Mamma en Daddy die woorde gehoor wat ons lewens vir altyd sou verander.

Twee jaar gelede het jou kankerreis begin, en skielik het ons wêreld bestaan uit:

hospitaalkamers bloedtoetse
Bloed oortapings
chemoterapie
trane
gebede
vrees
en ’n hoop en gebede wat ons deur selfs ons donkerste dae gedra het.

Ek onthou hoe ons met alles binne in ons gewens het dat ons jou pyn kon wegneem. Ons sou elke stukkie daarvan self gedra het as dit beteken het dat jy net ’n sorgvrye dogtertjie kon wees wat nooit hoef te weet wat kanker is nie. Ons het met God try bargains aan gaan vir jou gesondheid en n kanker vry lewe.

Vir amper twee jaar het ons hierdie stryd saam geveg my bokkie kind.

Elke hospitaalbesoek elke naald
elke behandeling
en elke moeilike dag.

Was dit Mamma en daddy wat vir jou genesing gebid het. Ons het gedroom van die dag wanneer jy jou behandeling sou voltooi
daardie klok sou lui en uiteindelik die kinderlewe sou kon geniet wat jy so baie sterk verdien het. Ons het gedroom daarvan om jou te sien grootword, jou verjaarsdae te celebrate, jou laggie te hoor en jou in ons arms vas te kon hou vir al die jare wat God nog vir ons sou gee.

Ons het nooit gedink dat ons twee jaar later hier sou staan en terugdink aan die begin van ons stryd, terwyl ons nog probeer leer lewe en verstaan met die onbeskryfbare pyn om sonder jou te moet aangaan en lewe nie.

Vandag voel hierdie mylpaal so wreed. Die dag waarop ons reis begin het om vir jou lewe te veg, het nog ’n dag geword waarop ons moet leer om sonder jou fisiese teenwoordigheid aan te gaan. Nog ’n dag waarop ons arms seer verlang om jou vas te hou, ons ore smag om jou stemmetjie te hoor en ons harte niks liewer wil hê as
net nog een drukkie
nog een soentjie
nog een oomblik saam met ons warrior princess

Ons Sky Pie, as liefde jou kon red, sou jy vir altyd geleef het. As gebede alleen jou hier kon hou, sou jy vandag nog veilig in Mamma en Daddy se arms geslaap het. Ons sou nog ’n duisend gevegte vir jou geveg het. Ons sou nog ’n duisend hospitaalgange saam met jou gestap het. Ons sou dit oor en oor weer gedoen het, net om nog ’n bietjie tyd saam met jou te kon hê.

Jy was nooit net ’n dogtertjie wat teen kanker geveg het nie.

Jy was ons dogter
Ons kosbare princess
Ons rede om te bly hoop op dae wanneer hoop onmoontlik gevoel het.

Jy was soveel meer as die siekte wat probeer het om jou kinderjare te steel, en jy sal altyd soveel meer wees as die manier waarop ons jou verloor het.

Ons verstaan steeds nie waarom jou storie so moes eindig nie. Ons verstaan nie waarom ons nie ons wonderwerk hier op aarde kon kry nie. Party dae dra ons geloof ons, en ander dae moet ons aan God vasklou met trane in ons oë en ’n hart wat eenvoudig nie verstaan nie. Maar ons bly vertrou dat dieselfde God wat ons deur daardie hospitaaldeure gedra het, jou nou vashou op ’n plek waar daar geen naalde, geen chemoterapie, geen pyn en geen lyding meer is nie.

Ai, ons poppelop, hoe wens ons dat ons jou daar kon sien. Ons droom hoe jy vry is, dans, lag en hardloop sonder dat enigiets jou seermaak. Ons verbeel ons hoe die hemel die dogtertjie vashou wie se plekkie in ons arms nooit deur iemand anders gevul sal kan word nie.

Twee jaar gelede het ons kankerma en kankerpa geword. Ons het sterker geword omdat ons moes. Ons het geleer hoe om deur vrees te glimlag, deur trane te bid en aan te gaan wanneer ons harte besig was om te breek. Maar vandag is ons net ouers wat hulle dogtertjie verskriklik mis.

Ouers wat enigiets sou gee om die tyd terug te draai.

Ouers wat jou steeds in die klein dingetjies soek.

Ouers wat jou naam, jou herinneringe en jou liefde saam met hulle na elke nuwe môre dra, selfs na die môres wat ons nooit gedink het ons sonder jou sou moes deurmaam nie.

Ons liefste Sky pie, ons sou die hele wêreld gee vir nog net een dag saam met jou in ons arms. Net nog een dag om jou wangetjies te kon soen, jou lyfie styf teen ons vas te kon hou, vir jou te sê hoe lief ons jou het en jou te belowe dat jy nooit, ooit vergeet sal word nie.

Ons weet nie hoe om vrede te maak met die feit dat ons moet aanhou leef in ’n wêreld waar ons nie meer ons hand kan uitsteek en aan jou kan raak nie. Ons weet net dat dit om jou ouers te wees een van die grootste voorregte van ons lewens was en vir altyd sal wees.

Ons stryd het vandag twee jaar gelede begin, maar ons liefde vir jou het nie geëindig toe jou lewe hier op aarde geëindig het nie. Dit het nie op 3 September 2026 geëindig nie. Dit sal nie eindig wanneer dae, maande of jare verbygaan nie.

Ons sal jou liefhê vir elke sekonde wat ons nog hier is, en daarna sal ons jou in die ewigheid liefhê.

Tot die dag wanneer God ons weer toelaat om jou vas te hou, ons Sky Pie, jy moet asseblief weet dat ons jou steeds liefhet, jou steeds mis, steeds jou naam sê en jou steeds in elke klop van ons gebroke hart saamdra.

Jy was elke geveg, elke traan, elke gebed en elke sekonde van hoop werd.

Jy sal altyd wees.

Twee jaar gelede het ons saam teen kanker begin veg. Vandag dra ons die liefde van ons klein vegtertjie in ons harte terwyl ons leer hoe om met ’n verlies saam te leef waarvan ons nooit sal ophou wens dat dit ’n ander einde gehad het nie.

Vir altyd ons poppelop

Vir altyd ons Sky Pie

Vir altyd Mamma en pappa se dapperste en sterkste warrior princess

Tot ons mekaar weer sien ons klein engel kind. Wag vir Mamma en Daddy.

Sien jou in die hemel poorte ons Sky Pie princess.

18/10/2026

My liefste Scaylar, my Sky pie… 🧡🕊️

Ek het nooit gedink dat ek eendag die hospitaal sou mis nie, my kindjie. 💔

Die einste plek waarheen Mamma vir amper twee jaar lank gegaan het en gebid het dat ons eendag nie meer hoef terug te gaan nie, is nou ’n plek waarna my hart terugverlang.

Ek mis die bekende gange. Ek mis die mense wat deel van ons lewens geword het. Ek mis selfs die klein bietjies troos wat ek daar gevind het, want al was daar soveel trane, vrees en onsekerheid, was jy nog daar, my liefie. Ek kon jou nog vashou, jou wangetjies soen, jou stemmetjie hoor en jou Mamma wees.

En genade, hoe mis ek nie daardie mense wat saam met ons deur jou geveg gestap het nie. 🥺❤️‍🩹

Hulle het ons gesien op ons swakste dae. Hulle het ons trane, ons vrese, ons bekommernisse en ons gebede geken. Hulle het ons gesien wanneer ons nie meer krag gehad het om sterk te wees nie, wanneer ons harte gebreek het en wanneer ons net probeer het om nog een dag deur te kom.

Hulle het ons leer ken op maniere wat min mense ooit sal verstaan. Hulle het deel geword van ons roetine, ons storie en ons lewens. Hulle het nie net na ’n klein dogtertjie met leukemie gekyk nie. Hulle het na jou gekyk, my Scaylar. My unieke, kosbare dogtertjie met jou eie persoonlikheid, jou oulike maniertjies en jou klein mensies-hartjie.

Hulle het saam met ons gehoop. Saam met ons gebid. Saam met ons elke goeie uitslag gevier en elke moeilike dag probeer deurstaan.

Hulle het jou versorg wanneer Mamma se hart bang was. Hulle het gehelp om jou deur behandelings te dra wat geen klein kindjie ooit behoort te hoef deurmaak nie.

En ek sal hulle altyd daarvoor dankbaar wees.

Maar my liefste Sky pie, daar is nou ’n ander soort seer wat Mamma moet leer verstaan.

Want daardie mense dra ook herinneringe van jou. Hulle het stukkies van jou lewe gesien wat ek nooit sal vergeet nie, en dalk selfs klein oomblikkies wat ek nie eers besef het eendag so kosbaar sou word nie.

En dit maak my hart seer om te weet dat daar mense is wat my kindjie geken het, wat jou stemmetjie gehoor het, wat jou gesiggie gesien het en wat ook sal onthou dat jy daar was.

Want jy was nie net ’n pasiënt nie, my kind.

Jy was Scaylar Jane. My Sky. My Sky pie. Mamma en Daddy se klein vegtertjie. Ons klein warrior princess. 🧡

Jy was ’n dogtertjie met drome, laggies, liefde en ’n hele lewe wat nog voor jou moes lê.

Ek onthou hoe ek so uitgesien het na die dag wanneer ons uiteindelik daardie hospitaal kon groet. Ek het gedroom van die dag wanneer jy gesond sou wees, wanneer ons nie meer ons lewens rondom bloedtoetse, chemoterapie, doktersafsprake en behandelings hoef te beplan nie.

Ek het gedroom van ’n gewone lewe saam met jou.

Ek wou jou sien grootword. Ek wou jou sien skool toe gaan. Ek wou jou handjie vashou op jou eerste skooldag. Ek wou jou sien lag, speel, hardloop en die wêreld ontdek. Ek wou jou sien grootword saam met jou boeties en sussies. Ek wou soveel gewone mamma-dogtertjie-oomblikke saam met jou hê.

Ek wou jou eendag sien skool klaarmaak. Ek wou jou sien grootword en jou eie drome sien uitleef.

Ek wou jou sien wen, my kind.

En ek het geglo dat ons eendag daardie onkologie-afdeling sou kon agterlaat met dankbaarheid in ons harte, omdat ons deur die donker gekom het en jy jou lewe voor jou gehad het.

Ek het nooit gedink dat ons totsiens sou sê omdat jou klein lyfie nie meer hier sou wees nie. 💔

Ek het nooit gedink dat ek die plek sou mis waar ek soveel keer gehuil het nie. Dat ek sou verlang na die gange waar ek met ’n bang hart geloop het, die kamers waar ek my knieë gebuig en tot Jesus gebid het, en die mense wat my kindjie deur haar grootste gevegte gehelp het nie.

Maar ek verlang, my liefie.

Want daar was jy nog by my.

Daar kon ek nog iets doen. Daar kon ek nog vrae vra, nog behandelings probeer, nog hoop vashou en nog bid vir ’n wonderwerk.

Solank ons nog hospitaal toe gegaan het, was daar altyd iets waarvoor Mamma kon hoop. Nog ’n uitslag. Nog ’n plan. Nog ’n moontlikheid. Nog ’n kans om jou huis toe te bring.

Ek het nie besef hoe swaar dit sou wees wanneer daar nie meer ’n volgende behandeling is om voor te bid nie. Wanneer daar nie meer ’n volgende afspraak is waarvoor ek angstig wag nie. Wanneer ek nie meer kan vra wat ons volgende kan probeer om jou hier by ons te hou nie.

Nou moet Mamma leer om in ’n wêreld te leef waar ek jou nie meer kan red nie.

En ek weet nie hoe nie, my kind. 💔

Ek mis nie die siekte nie.
Ek mis nie die chemoterapie nie.
Ek mis nie die slapelose nagte, die vrees of die trane nie.

Ek mis vir JOU, my Scaylar.

Ek mis jou stemmetjie. Ek mis jou lag. Ek mis jou gesiggie, jou klein lyfie en die manier waarop dit gevoel het om jou mamma te wees.

Ek mis die gewone dinge wat ek nooit gedink het ek eendag so desperaat sou terugwens nie.

Ek mis die dae wanneer ek jou kon optel en styf teen my vasdruk. Ek mis die wete dat jy in die volgende kamer is. Ek mis die klein oomblikke wat ander mense dalk as vanselfsprekend aanvaar, maar waarvoor ek nou enigiets sou gee.

Ek mis dit om jou mamma te wees op die manier waarop ek dit altyd geken het.

Ek mis die wêreld waarin ek jou nog kon vashou.

En weet jy wat maak die seerste, my Sky pie?

Ek sou dit alles weer doen.

Elke hospitaalgang. Elke moeilike nag. Elke traan. Elke oomblik van onsekerheid. Elke keer wat my hart gebreek het.

Ek sou weer saam met jou deur alles stap as dit beteken het dat ek jou net ’n bietjie langer by my kon hê.

Ek sou weer langs jou bed sit. Ek sou weer jou handjie vashou. Ek sou weer saam met jou baklei, saam met jou huil en saam met jou hoop.

Ek sou alles weer doen, my kind, net om nog een keer te hoor hoe jy vir Mamma sê: “Love u, Mamma.”

Net nog een drukkie.
Net nog een soentjie.
Net nog een dag saam met jou.

Ek vra nie eers vir groot dinge nie, my liefie. Ek verlang na die klein dingetjies wat vir my die hele wêreld beteken het.

Ek wou jou net gesond hê. Ek wou jou net by die huis hê, saam met jou familie, waar jy veilig kon wees en net ’n klein dogtertjie kon wees.

Ek wou hê die lewe moes vir jou sag wees.

Maar my kind, die lewe was nie altyd sag met jou nie. Jy moes deur soveel meer gaan as wat jou klein lyfie ooit moes dra. En as Mamma enigiets anders kon kies, sou ek al daardie seer van jou af geneem het.

Ek sou dit alles self gedra het as ek kon.

Nou hou ek vas aan my geloof. Ek hou vas aan die Here se beloftes. Ek glo jy is veilig by Jesus, waar daar geen pyn, geen siekte en geen trane meer is nie.

Ek probeer troos vind in die wete dat jy nie meer hoef seer te kry nie, my engelkind.

Maar selfs met my geloof, mis ek jou steeds met alles in my.

Ek kan glo dat jy by Jesus is en steeds wens jy was hier by Mamma. Ek kan dankbaar wees dat jy nie meer ly nie en steeds huil omdat ek jou arms om my nek wil voel.

Ek kan weet dat jy veilig is en steeds wens ek kon jou nog een keer huis toe bring.

Want ek is jou Mamma, my liefie.

En Mamma se hart sal jou altyd soek.

Ek weet nie hoe om jou lief te hê sonder om jou vas te hou nie. Ek weet nie hoe om jou naam te sê sonder dat my hart seer word nie. Ek weet nie hoe om vorentoe te kyk wanneer soveel van die toekoms wat ek vir jou gedroom het, nou net drome in my hart is nie.

Ek weet net dat my liefde vir jou nie saam met jou laaste asem opgehou het nie.

Dit het nie by die hospitaal agtergebly nie. Dit het nie verdwyn toe ons moes totsiens sê nie. En dit sal nooit verdwyn nie.

Ek sal jou saam met my dra in elke dag wat ek nog hier moet wees. In elke gebed. In elke traan. In elke herinnering. In elke stukkie van my hart wat vir altyd aan jou behoort.

Jy sal altyd my klein vegtertjie wees. My Sky pie. My Bekkie. My klein prinsessie.

En al kan ek nie meer jou handjie vashou nie, sal ek jou vir altyd in my hart vashou.

Eendag, wanneer die Here se tyd aanbreek, glo ek dat ek jou weer sal sien. Tot daardie dag sal Mamma jou liefhê deur die verlange, deur die stilte en deur al die dae waarin ek jou meer mis as wat woorde ooit kan verduidelik.

Ek sal jou naam sê.
Ek sal jou storie vertel.
Ek sal onthou wie jy was, nie net wat jy moes deurmaak nie.
Ek sal jou lewe vier, selfs op dae wanneer die hartseer te swaar voel om te dra.

Want jy was hier, my kind.
Jy was my dogtertjie.
Jy was geliefd.
Jy is geliefd.
En jy sal altyd geliefd wees.

My liefste Skytjie, Mamma wens so dat ek jou nog een keer kon vashou en vir jou kon sê hoe baie ek jou liefhet.

As liefde jou kon terugbring, sou jy elke dag weer by my deur ingestap het.

Maar tot ek jou weer in my arms kan hou, sal ek jou in my hart dra.

Vir altyd Mamma se dogtertjie. Vir altyd my Sky pie. Vir altyd my klein vegtertjie. Vir altyd my kind. 🧡🕊️

Ek is lief vir jou, my liefste engelkind.

Tot ons mekaar weer sien.

Mamma sal jou altyd liefhê. ❤️‍🩹

Vandag is 45 daggies sonder jou en ons breuk nogsteeds elke liewe dag sonder jou my Sky Pie..

02/10/2026

🤍 28 Days in Heaven, Our Beautiful Scayler 🤍

Today marks 28 days without you, our beautiful little warrior. Twenty-eight days of missing you with all our hearts. The longest 28 days—because every day holds a moment when we wish you were here.

We miss your laugh, your 2 a.m. calls, and the sound of your little footsteps around the house. We miss the everyday moments we would give anything to have again.

Your swing stands empty. Your jungle gym reminds us of happier days, when you were here to play and fill our world with joy. Everywhere we look, there is a memory of you—and so much love with nowhere to go but into missing you.

You fought so bravely, sweetheart, but we wish you could have stayed longer. More time to play, more time to grow, more time for us to hold you close and tell you how deeply you are loved.

We find comfort in believing you are safe in Jesus’ arms, free from pain. Still, our arms ache for you, and our home feels so quiet without you.

You will always be our little girl, our beautiful warrior, and a treasured part of this family. We will keep saying your name, sharing your stories, and loving you through every day that comes.

Forever loved and missed by Monique, AJ, Megan, Caitlin, Leanika, and Mommy & Daddy. 🤍🕊️

26/09/2026

https://www.facebook.com/share/1AopxKyE8C/

26/09/2026

https://www.facebook.com/share/1AopxKyE8C/

15/09/2026

🚨 WARNING: THIS GUY IS A SCAM!!! 🚨

J Marais publicly claimed he donated R35,000 towards Scayler’s funeral, but the family says they later discovered that no money was received.

Using the death of a child to get TikTok attention and publicity is absolutely disgusting.

A child’s death is not content. A grieving family is not a publicity stunt.

You should be ashamed of yourself 😡😡

11/09/2026

Goeie dag,

Vind asb die aanlynskakel vir die oorwinningsdiens van Sky Louwies. Let wel, indien daar 'n onderbreking in die stroom mag voorkom, soos 'n netwerkprobleem of kragonderbreking, sal die diens later ten volle op YouTube opgelaai word en 'n nuwe skakel sal aan die familie gestuur word. https://youtube.com/live/N4ldlnGQ2H4?feature=share

07/09/2026

We as Scaylar's family would like to thank J Marais from the bottom of our hearts for his most generous donation.
With this donation we will be able to cover the full funeral costs.

04/09/2026

💔🕊️ Our beautiful princess has gained her angel wings. 🕊️💔

It is with completely broken hearts that we share the devastating news that our precious Scaylar passed away on 3 September 2026 at around 17:30.

Our sweet girl fought such a brave and courageous battle. She touched the hearts of so many people and brought so much love, light and joy into this world. 🌸

There are simply no words to describe the pain we are feeling right now. Our hearts are shattered into a million pieces. 💔

Our beautiful princess, you will forever be our precious girl, our little warrior and the brightest star in the sky. ✨ We were blessed beyond words to be your family and to love you. You fought so incredibly hard, sweetheart.

Rest peacefully, our beautiful angel. 🕊️🤍
Forever loved. Forever missed. Forever in our hearts.

Please keep our family in your thoughts and prayers during this heartbreaking time as we try to navigate a world without our precious Scaylar. 🤍

💔🌸🕊️ Fly high, our beautiful princess. Until we meet again. 🕊️🌸💔

Address

Rustenburg Ext 1

Website

https://www.backabuddy.co.za/campaign/help-skylar

Alerts

Be the first to know and let us send you an email when Scaylar Jane Louwies Leukemia Warior Princess posts news and promotions. Your email address will not be used for any other purpose, and you can unsubscribe at any time.