¿Cuál es el sitio web?

Asociación Galega de Matronas

Inicio
España
Vigo, Galicia
Asociación Galega de Matronas

Cómo llegar Página web Contactar con la empresa

Asociación Galega de Matronas A Asociación S.

Gallega de Matronas foi constituída o 17 de Decembro de 1984 en A Coruña, promovida e representada por Rosalina Celada Juan como Presidenta, Elvira Comesaña Castro (Vicepresidenta), Yolanda Goyanes Carro (Secretaria), Mercedes Vazquez García (Tesoureira ), e como vocais : Felisa Otero Otero, Josefina Carracedo Prado, Mª Blanca Bravo López y Pilar Alaez Couceiro. Foi expedida en A Coruña e rexistrada na Consellería de Traballo, Seguridade Social e Emigración, actualmente Consellería de Xustiza Interior e Relacións Laborais. E unha entidade sen ánimo de lucro, que está formada por profesionais con Título de Matrona ou Enfermeira Obstétrico-Ginecolóxica . O 14 de marzo de 2008, en Asemblea Xeral Extraordinaria,aprobouse a creación da Asociación Galega de Matronas (AGAM), para que os bens da Asociación Sindical Galega de Matronas se transferisen á AGAM, aprobando así, un novo articulado dos estatutos, de acordo coa lexislación vixente Lei Orgánica 1/2002, de 22 de marzo, que regula o dereito de asociación e de outras leis xa existentes. A Asociación naceu como unha experiencia ilusionada e pioneira no ámbito español tras a desaparición do Colexio de Matronas, que fixo que perderamos a nosa representación nas estructuras sanitarias e foi cambiando e dando cabida a tódolas matronas da nosa comunidade.

26/09/2026

🌎💜 Partería e maternidade: unha viaxe entre culturas

Como se vive e se acompaña a maternidade en diferentes lugares do mundo? Que papel teñen as parteiras? E como inflúen a cultura, a comunidade e o contexto social na forma de vivir o embarazo, o parto e o posparto?

O venres 2 de outubro, ás 18.00 h, abrimos un espazo para conversar, compartir experiencias e achegarnos a outras realidades.

🗣️ Dilma Cruz, lideresa agraria e parteira hondureña, e Irune Valderrábano, matrona galega e historiadora, dialogarán sobre as súas experiencias e coñecementos arredor da partería e das maternidades.

Un encontro intercultural para coñecer outras formas de acompañar, descubrir puntos de encontro e reflexionar sobre o valor do respecto, a diversidade e a comunidade. 🌿

📅 2 de outubro de 2026
🕕 18.00 h
📍 Casa Xohana Torres · Santiago de Compostela

🎟️ Acceso libre ata completar aforo.
Podes inscribirte previamente no formulario para garantir a túa praza: https://forms.gle/UYsQZqWPSgqctBCK9

Organiza AGAM en colaboración con (Mulleres Bravas), co apoio de Cooperación Galega.

💜 Agardámoste!

26/09/2026

💜 Unha homenaxe que pon en valor toda unha profesión

Tomiño homenaxeou este mes a Ana Isabel Forneiro, matrona do centro de saúde, tras 40 anos adicados ao coidado, á saúde e ao acompañamento das mulleres.

Un recoñecemento que transcende unha traxectoria profesional e que nos lembra a importancia das matronas como figuras de referencia e confianza nas comunidades, acompañando, escoitando e coidando as mulleres en diferentes etapas das súas vidas.

Porque detrás de cada consulta, cada visita e cada acompañamento hai tamén vínculos, confianza e historias compartidas.

Desde a Asociación Galega de Matronas celebramos este merecido recoñecemento e reivindicamos, unha vez máis, o valor esencial das matronas na nosa sociedade. 💜

👏 Parabéns, Ana Isabel!

🔗 Compartimos a nova de Telemariñas

31/08/2026

👩🏻‍⚕️📆 31 de agosto | Día Mundial da Obstetricia e da Embarazada

A atención obstétrica de calidade require profesionais coa formación, as competencias e a autonomía necesarias para ofrecer a cada muller uns coidados seguros, respectuosos e baseados na evidencia científica.

👉🏻 As matronas somos profesionais esenciais na atención á saúde sexual e reprodutiva e contamos con competencias específicas para acompañar e liderar a atención aos procesos fisiolóxicos do embarazo, parto e posparto.

Porén, o desenvolvemento destas competencias continúa a ser desigual e o déficit de matronas segue limitando tanto o potencial da profesión como a atención que reciben as mulleres.

💪🏻 Desde a AGAM xunto coa FAME Matronas seguimos traballando polo recoñecemento e o pleno desenvolvemento profesional das matronas, por unha formación acorde coas nosas competencias e por unha dotación suficiente de profesionais que garanta unha atención de calidade e equitativa.

Máis autonomía para as matronas.
Mellor atención para as mulleres.

05/08/2026

🌍🤱 Semana Mundial da Lactancia Materna 2026.

Baixo o lema “Lactancia materna: un inicio sostible en calquera circunstancia. Fortalezamos as accións que funcionan”, esta semana mundial convídanos a reflexionar sobre o camiño percorrido e, sobre todo, sobre todo aquilo que sabemos que funciona para protexer, promover e apoiar a lactancia materna.

As matronas formamos parte desa cadea efectiva de apoio desde o embarazo ata o posparto, acompañando ás mulleres e ás súas familias cunha atención baseada na evidencia, respectuosa e centrada nas súas necesidades.

Desde AGAM sumámonos a esta campaña lembrando a importancia de:
🔹 Informar, compartindo coñecemento rigoroso e actualizado.
🔹 Consolidar, reforzando as boas prácticas que demostraron ser eficaces.
🔹 Involucrar, porque o apoio á lactancia é unha responsabilidade compartida entre profesionais, institucións, familias e comunidade.
🔹 Impulsar, avaliando os resultados e avanzando cara a unha atención cada vez mellor.
Porque apoiar a lactancia materna é investir na saúde, no benestar e na sustentabilidade, hoxe e no futuro.

FAME Matronas 🌏Alliance4BreastfeedingAction

29/07/2026

📰 Parabéns á nosa compañeira e socia Natalia Pérez, matrona, por dar visibilidade á importancia da educación afectivo-sexual e da prevención das infeccións de transmisión sexual (ITS). 👏

As matronas desempeñamos un papel fundamental na promoción da saúde sexual, ofrecendo información rigorosa, fomentando relacións saudables e axudando á mocidade a tomar decisións informadas. Tal e como recolle esta noticia, a prevención, o consentimento e a educación sexual son ferramentas clave para frear o aumento das ITS entre a poboación máis nova.

💜 Grazas, Natalia, polo teu compromiso e por representar o labor das matronas galegas 👩🏻‍⚕️.

🔗 https://www.lavozdegalicia.es/noticia/ferrol/2026/07/23/plan-sanitario-frenar-repunte-infecciones-sexuales-jovenes/0003_202607F23C1992.htm

Colegio Enfermería de A Coruña

24/07/2026

📰 A saúde mental perinatal tamén importa.

A depresión posparto pode afectar a calquera muller, independentemente de como vivise o embarazo ou de canto desexase a chegada do seu bebé. Detectala a tempo e ofrecer un acompañamento adecuado é fundamental.

Nesta reportaxe participa o noso compañeiro David González, matrona e tesoureiro da AGAM, achegando a visión das matronas galegas sobre a importancia da prevención, a detección precoz e o acompañamento ás mulleres e ás súas familias durante o embarazo e o puerperio.

As matronas somos profesionais de referencia na atención á saúde sexual e reprodutiva, tamén no coidado da saúde mental perinatal, favorecendo unha atención integral, baseada na evidencia e centrada nas necesidades de cada muller.

🗞️ Unha reportaxe necesaria para seguir visibilizando unha realidade da que aínda custa falar.

🔗 https://www.galiciae.com/articulo/galicia/era-bebe-muy-buscado-sentia-rechazo/20260529171938107873.html

29/05/2026

📢 A Asociación Galega de Matronas busca mulleres voluntarias para participar nas prácticas do curso “Formación Básica en Ecografía Obstétrica para Matronas”, que se celebrará o próximo mércores 3 de xuño de 2026 no Hospital Álvaro Cunqueiro de Vigo.

👉 Neste momento precisamos especialmente:
🤰 Mulleres no PRIMEIRO trimestre de embarazo
🤱 Mulleres en POSTPARTO (0-6 meses)

⚠️ IMPORTANTE: se o teu embarazo está considerado de ALTO RISCO, por protocolo non poderás participar nesta actividade. As prácticas estarán supervisadas por profesionais sanitarios e terán exclusivamente finalidade docente. As ecografías realizadas non terán validez clínica nin diagnóstica.

💜 Participar é totalmente gratuíto.

📩 Se che interesa participar, cobre este formulario:
https://forms.gle/MMNk8H6hFUYgvDh67

Desde a organización elaboraremos o listado de voluntarias e contactaremos coas seleccionadas para confirmar a hora e o lugar exacto.

Agradecemos moitísimo a difusión entre embarazadas, familias, asociacións e grupos de apoio 💜

29/05/2026

Desde a Asociación Galega de Matronas tivemos a honra de acompañar ás novas especialistas no seu acto de despedida, un momento cheo de emoción, orgullo e recoñecemento ao esforzo realizado durante estes anos de residencia.

Detrás de cada nova matrona hai gardas interminables, aprendizaxes, acompañamento ás mulleres e familias nos momentos máis importantes das súas vidas, e unha enorme vocación de coidado 💜

Na AGAM queremos darlles a benvida á profesión e lembrarlles que non están soas: seguiremos traballando xuntas para defender, visibilizar e fortalecer o papel das matronas galegas.

📸 Desliza para ver algúns momentos deste día tan especial.

🔗 Podes ler a noticia completa na nosa web www.matronasgalegas.org

05/05/2026

👶As matronas son unha peza clave da asistencia sanitaria das mulleres

💠 O seu labor garante unha atención próxima, segura e de calidade

🔗https://vida-saudable.sergas.gal/cartafol/Dia-Internacional-da-Matrona-VS

05/05/2026

💜 Xornada Día da Matrona 2026 | AGAM

Desde a Asociación Galega de Matronas convocamos a matronas e residentes de matrona de toda Galicia a participar nesta esperada cita anual, que este ano celebraremos o 30 de maio en Vigo.

Un encontro para reencontrarnos, formarnos e seguir avanzando xuntas na profesión, compartindo experiencias e reflexionando sobre os retos que vivimos no noso día a día

📌 Que atoparás nesta xornada?
✨ Ponencias sobre o programa BPSO, alimentación consciente e intervención educativa en saúde menstrual en persoas con Síndrome de Down.
✨ Micro aberto para compartir preocupacións das matronas
✨ Asemblea AGAM
✨ Xantar de confraternización
✨ Obradoiro práctico sobre dor perineal no parto
✨ E tempo para convivir e facer comunidade 💜

📍 Onde? UNED Vigo (Auditorio Mar de Vigo)
🗓️ Cando? 30 de maio

🤗 Organiza a AGAM, coa colaboración dos patrocinadores , , e

ℹ️ Asistencia á xornada e taller: gratuíta con inscrición.

🍽️ Xornada + xantar:
- Socias e residentes: 5 €
- Non socias: 25 €

👉 Inscricións xa disponibles para socias.
Residentes e non socias: poderán reservar praza a partir do 8 de maio (ou facerse socias 👏🏻, agora tamén poden asociarse as matronas en formación!)

🔗 Máis info e inscricións na bio.

Esta xornada é unha oportunidade para escoitarnos, compartir e seguir construíndo comunidade profesional en Galicia.

💜 Contamos contigo

Dirección

Vigo

Página web

http://www.matronasgalegas.org/

Notificaciones

Sea el primero en enterarse: le enviaremos un correo electrónico cuando Asociación Galega de Matronas publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.