24/10/2026
Kvennafrídagurinn í dag, 24. október.
En það er nú ekki aldeilis þannig hjá okkur í litla kvennafyrirtækinu Mistur þar sem allar hendur eru kallaðar á dekk þegar mikið liggur við, m.a.s á laugardegi....OG það á sjálfum kvennafrídeginum.
Önnur okkar ætlar að leggja land undir fót og fara að pakka nýjum jurtum sem voru að koma í hús, m.a. ylliberjum og -blómum, vallhumli, gullhrís og rauðsmára svo eitthvað sé nefnt.....á meðan hin stendur laugardagsvaktina frá kl. 11-14, græjar miða á pokana fyrir allar nýju jurtirnar og nær vonandi að setja eitthvað af öllum þeim nýju vörum sem eru komnar í hús á vefinn (ótrúleg bjartsýni samt :)) á milli þess sem hún spjallar við stórskemmtilega viðskiptavini sem gera sér ferð til okkar á Stórhöfða.
Og þessu öllu tengt látum við hér fylgja mynd af einni helstu kvennajurtinni okkar, Maríustakk, en nafnið vísar í Maríu mey.
Helstu eiginleikar Maríustakks:
💚er talin hjálpa til við að koma reglu á tíðahringinn
💚er þekkt fyrir að draga úr miklum blæðingum, sérstaklega í upphafi breytingaskeiðs
💚hefur verkja og krampastillandi áhrif á túrverki
💚er gjarnan notuð síðustu mánuði meðgöngu og eftir fæðingu til að styrkja legvöðvann svona eins og hindberjalauf (sem við eigum að sjálfsögðu líka)
já, þannig er það nú
