Help Nnete Heal

Home
Lesotho
Maseru
Help Nnete Heal

Call Directions Website

Family-led campaign supporting Nnete's medical care and reconstructive surgery through official, verified channels.

09/09/2026

REA LEBOHA KA HO TSAMAEA LE NNETE 💚

Help Nnete Heal Fun Walk e bile pontšo e ntle ea lerato le matla a sechaba ha se ema ’moho.

Re leboha Mummies & Bunnies ka ho hlophisa leeto, hammoho le batsoali, bana le bohle ba ileng ba tla ho tšehetsa Nnete.

Re ananela tšehetso ea:

* Star Classic English Medium School
* Reahola English Medium School
* Lesotho Early Childhood Teachers Association le likolo tse ileng tsa nka karolo, ho kenyeletsa Future Leaders le Open Minds Academy
* Oasis ka ho fana ka metsi
* Villa Hospital ka ho fana ka ambulense
* Les Apparel ka mosebetsi oa printing
* MQ Suppliers ka ho tšehetsa ka likipa
* Leteba Transport ka tšehetso ea lipalangoang
* Office national Ka mosebetsi oa printing
*Lesotho Mounted Police Service Ka es**rt
*Lesotho high school ka sebaka sa boithapollo

Re leboha hape baoki ba ileng ba hlokomela bophelo ba botle ba neng ba le teng, matichere a ileng a hlokomela bana, hammoho le baithaopi bohle.

Ka lebaka la lona, leeto lena ha lea ka la ba ketsahalo feela—e bile pontšo ea tšepo, kutloelo-bohloko le bonngoe.

Fun Walk e phethiloe, empa leeto la Nnete la kalafo le ho fola le ntse le tsoela pele. Rea leboha ka ho tsoela pele ho ema le eena. 🙏🏾

HELP NNETE HEAL CAMPAIGN TEAM

07/09/2026

NNETE O BILE LE RONA MAOBA 💚

Help Nnete Heal Fun Walk ea maoba e re file motsotso o khethehileng haholo: Nnete o ile a khona ho ba teng le sechaba se ne se eme le eena leetong lena.

Ho ba teng ha hae ho ne ho hlophisitsoe ka hloko, ho latela boemo ba hae le tataiso ea ba ikarabellang tlhokomelong ea hae.

Leha re ile ra thabela ho mo bona, sena ha se bolele h**e leeto la hae la kalafo le felile. O ntse a hlaphoheloa hae pele ho mehato e latelang ea kalafo le liopereishene.

Ho mo bona a le har’a rona ho re hopolitse sepheo sa monehelo o mong le o mong, thapelo e ’ngoe le e ’ngoe le ketso e ’ngoe le e ’ngoe ea lerato.

Rea leboha ka ho tsoela pele ho ema le Nnet - letsatsi le letsatsi. 🙏🏾

HELP NNETE HEAL CAMPAIGN TEAM

27/08/2026

This coming Saturday, Manthabiseng Convention centre there's an event for kids in support of the help Nnete heal campaign. Admission M50. The event includes debate by high schools around town. Reba kopela support ea lona. Together we can help Nnete heal ❤️

22/08/2026

These are the official ongoing events to help Nnete heal. Your support brings him closer to healing.

20/08/2026

TLALEHO E LOKISITSOENG EA LICHELETE

Ka mor’a ho bapisa litlaleho tsa litsela tsohle tsa semmuso tsa menehelo, kakaretso e netefalitsoeng ea chelete e amohetsoeng ho fihlela ka la 20 Phato 2026 ke:

M1,448,999

Palo ena e kenyelletsa feela chelete e amohetsoeng le ho netefatsoa. Litšepiso tsa menehelo tse e-s’o phethahatsoe ha lia kenyeletsoa.

Tlaleho ena e nka sebaka sa palo ea M1.3 milione e phatlalalitsoeng pejana, e neng e kopantse chelete e amohetsoeng le litšepiso tsa menehelo.

Re kopa tšoarelo ka pherekano e bakiloeng, ’me re leboha sechaba ka mamello ea sona. Re ikemiselitse ho tsoela pele ho fana ka litlaleho tse nepahetseng le tse nang le boikarabello.

HELP NNETE HEAL CAMPAIGN TEAM

www.helpnneteheal.org.ls

18/08/2026

TLHAKISO EA SEMMUSO EA LITABA TSA LICHELETE
OFFICIAL FINANCIAL CLARIFICATION

SESOTHO

Letšolo la Help Nnete Heal le lakatsa ho lokisa lintlha tse peli tsa lichelete tse seng li phatlalalitsoe sechabeng.

Qalong, letšolo ha lea ka la amohela kapa la netefatsa monehelo oa M400,000 oo ho tlalehiloeng h**e o tsoa United States.

Kakaretso ea M1.3 milione e phatlalalitsoeng pejana e ile ea kopanya chelete e amohetsoeng le litšepiso tsa menehelo tse ntseng li e-so phethahatsoe. Ka hona, e ne e sa bontše ka nepo chelete e hlileng e amohetsoeng ke letšolo.

Hona joale re ntse re bapisa le ho netefatsa lirekoto tsa litsela tsohle tsa semmuso tsa menehelo, matsapa a lumelletsoeng a ho bokella lichelete le litšepiso tsa menehelo.

Ka Labone la 20 Phato 2026, re tla phatlalatsa tlaleho e lokisitsoeng e bontšang kakaretso e netefalitsoeng ea chelete e amohetsoeng. Litšepiso tsa menehelo tse e-so phethahatsoe li tla tlalehoa ka thoko ’me li ke ke tsa kenyeletsoa cheleteng e amohetsoeng.

Re kopa tšoarelo ka phoso ena ea tlaleho le pherekano e bakiloeng ke eona. Re kopa sechaba le boralitaba h**e ba se ke ba qotsa M1.3 milione e le chelete e amohetsoeng. Tlaleho e tlang e lokisitsoeng e lokela ho nkoa e le kakaretso e netefalitsoeng ea letšolo ho fihlela letsatsing la tlaleho.

Re leboha sechaba ka mamello, kutloisiso le tšepo ea sona. Re ntse re ikemiselitse ho buisana ka mokhoa o hlakileng le ho sebetsa ka boikarabello.

ENGLISH

The Help Nnete Heal campaign wishes to correct two financial matters currently in public circulation.

First, the campaign did not receive or verify the reported M400,000 donation said to be from the United States.

Second, the previously reported total of M1.3 million incorrectly combined funds received with pledges that remain outstanding. It therefore did not accurately represent the amount received by the campaign.

We are reconciling all official donation channels, authorised fundraising initiatives and pledges against the relevant transaction records.

On Thursday, 20 August 2026, we will publish a corrected update showing the verified amount received. Outstanding pledges will be reported separately and will not be included in the amount received.

We apologise for the reporting error and the confusion it has caused. We respectfully ask the public and media not to quote M1.3 million as the amount received. The forthcoming reconciled update should be treated as the campaign’s verified fundraising total as at the reporting date.

We sincerely thank the public for its patience, understanding and continued trust. We remain committed to clear communication and responsible reporting.

HELP NNETE HEAL CAMPAIGN TEAM

CONTACT / LIPOTSO
Website: www.helpnneteheal.org.ls
Facebook: Send a private message to this official Help Nnete Heal Page.

16/08/2026

NNETE O FIHILE HAE ❤️

Kajeno re thabetse ho bona Nnete a boetse hae Lesotho.

Ke khato e kholo leetong la hae, empa ha se pheletso ea kalafo. O tlile hae ho tla phomola le ho matlafala pele ho karolo e latelang ea kalafo.

Rea tseba h**e batho ba bangata ba thabetse ho mo bona le ho tseba h**e na o ntse a ea joang. Re ananela lerato leo haholo. Hajoale, seo Nnete a se hlokang haholo ke phomolo, sebaka sa ho fola le ho sireletsoa boinotšing ba hae joaloka ngoana.

Re tla tsoela pele ho arolelana litaba tse netefalitsoeng ka mekhoa ea semmuso ea letšolo.

Kajeno, ha re thabeleng khato ena le eena, re be re mo fe sebaka sa ho fola. ❤️

Ha re otlolleng letsoho la thuso. | Let’s extend a helping hand.

www.helpnneteheal.org.ls

16/08/2026

KAJENO NNETE O KHUTLELA HAE NAKOANA❤️

Kajeno, Sontaha sa la 16 Phato, Nnete o khutlela Lesotho ho ea qeta nakoana hae a phomola le ho fola pele ho karolo e latelang ea kalafo le liopereishene.

Ena ke khato e kholo eo bohle ba emeng le Nnete ba ka bang motlotlo ka eona. Leeto le bile boima, empa menehelo, lithapelo, ho arolelana molaetsa le tšehetso ea lona li thusitse h**e a fumane tlhokomelo eo a e hlokang.

Empa ha re e-so fihle qetellong. Ho khutlela hae ha ho bolele h**e Nnete o folile. ’Mele oa hae o hloka nako ea ho hlaphoheloa pele kalafo le liopereishene tse ling li tsoela pele.

Nnete hape ke ngoana ea hlokang ho sireletsoa. Re kopa sechaba le media h**e nakong ena ba hlomphe boinotši ba hae, ba mo fe sebaka sa ho phomola, ’me ba se ke ba batla linepe, lipuisano kapa ho mo etela ntle le tumello ea lelapa.

Kajeno re ka thabela khatelo-pele ena, empa re tsoele pele ho ema le Nnete. Kalafo ea hae e ntse e tsoela pele, kahoo tšehetso ea lona e ntse e hlokahala.

Bakeng sa litaba tse netefalitsoeng le mekhoa ea semmuso ea ho fana, etela www.helpnneteheal.org.ls.

Ha re otlolleng letsoho la thuso. | Let’s extend a helping hand.

13/08/2026

RE SE RE LE 10,000 — REA LEBOHA! ❤️

Kajeno re na le mabaka a mabeli a ho leboha: Nnete o khutletse hae nakoana ho tsoela pele ho fola, ’me lelapa la Help Nnete Heal le se le fihletse batho ba 10,000.

Re leboha e mong le e mong ea emeng le Nnete ka ho fana, ho arolelana le ho mo lakaletsa pholo.

Ha a ntse a le hae, Nnete o hloka nako ea ho phomola, ho fola le ho ba le lelapa la hae. Rea tseba h**e batho ba bangata, ho kenyeletsa le media, ba ka rata ho mo bona. Re kopa ka tlhompho h**e nakong ena re mo fe sebaka le boinotši boo a bo hlokang.

Litaba tse netefalitsoeng ka boemo ba hae li tla tsoela pele ho fanoa ke Help Nnete Heal.

Re 10,000 re eme le Nnete. Leeto le ntse le tsoela pele.

Ha re otlolleng letsoho la thuso. | Let’s extend a helping hand.

12/08/2026

MOHATO O MONG O MOHOLO LEETONG LA NNETE ❤️

Kajeno Nnete o tsoile sepetlele, o khutlela hae nakoana ho ea phomola le ho fumana matla pele ho mekhahlelo e latelang ea kalafo.

Re leboha bohle ba tsamaileng le eena leetong lena. Leeto le ntse le tsoela pele.

Ha re otlolleng letsoho la thuso.

Address

Ha Abia
Maseru
100

Telephone

+26658661075

Website

http://www.helpnneteheal.org.ls/

Alerts

Be the first to know and let us send you an email when Help Nnete Heal posts news and promotions. Your email address will not be used for any other purpose, and you can unsubscribe at any time.