Läbens Wärt

Anrufen Wegbeschreibung

Läbens Wärt 🦋Für Mensche wo s’Läbe als Gschänk gsänd
1:1 & Gruppensession
Rotkreuz•Umgebung•Online
🪷Reiki | Hypnose | Wegbegleitung

… ihr lieben … 🤍Es git so Momänt, a dene mer sich eifach nach weniger sehnt.Weniger Lärm, weniger Müesse und weniger vo ...
29/09/2026

… ihr lieben … 🤍

Es git so Momänt, a dene mer sich eifach nach weniger sehnt.

Weniger Lärm, weniger Müesse und weniger vo all dem, was eus de ganz Tag beschäftigt. Und defür wieder meh Rueh, meh Aacho und meh Ziit, um wahrzneh, was grad eigentlich da isch.

Genau so en Abig möcht ich mit eu verbringe. ✨

Am Mäntig, 12. Oktober, lad ich eu zu eme chline Reiki-Abig bi mir in Rotchrüz ii.

Mir nehmed eus bewusst Ziit zum Aacho, trinked mitenand Blue Lotus Tee und lönd eus vo ere gfüehrte Meditation i de Abig begleite. Nachher dörfed ihr eu vo ere Reiki-Gruppebehandlig empfange lah und für e Weile eifach loslah.

Ich lieb die chline, persönliche Abige. Si schaffet vielmehr Raum, i dem öppis i eus ruhiger werde darf.

De Kreis isch bewusst chli gwählt und bietet Platz für maximal 4 Mensche. 🤍

Montag, 12. Oktober
19:00–20:30 Uhr
Sonnmatt 19, 6343 Rotchrüz
CHF 44.– inklusive Blue Lotus Tee

Wenn du s Gfühl hesch, dass dir genau so en Abig grad guet tue würd, denn bisch vo Härze willkomme.

Ich freu mi uf en feine Abig mit eu.

Vo Härze
Sabina 🦋





… manchmal git es Momänt, wo mer merkt:da isch no öppis, wo mi ruft… 🌸… und genau so fühlt es sich für mich grad aa…… ic...
26/09/2026

… manchmal git es Momänt, wo mer merkt:
da isch no öppis, wo mi ruft… 🌸

… und genau so fühlt es sich für mich grad aa…

… ich ha mit de australische Blüeteessenze bereits wunderschöni Erfahrige dörfe mache…

… ha erlebt, wie fein sie begleite chönd…
… wie viel sich i de Stille zeigt…
… und wie sanft und doch tief so en Prozess sii cha…

… und grad will mich das so berührt, isch i mir de Wunsch wachse,
no tiefer i d Welt vo de Blüete iizutauche…

… meh z’versto…
… meh z’erfahre…
… meh Sicherheit z’entwickle…
… und eifach nomal ganz anders i öppis iiztüüche, wo mi scho länger fasziniert…

… drum hüt en neue Schritt:

Ich starte mini Usbildig zur Bachblüete-Beraterin.

… nöd will öppis fehlt…

… sondern us Neugier…
… us Freud am Lerne…
… und us em Gfühl, dass sich da no öppis Wertvolls mit dem verbinde darf, was bereits da isch.

… und irgendwann darf das alles no meh zämefinde:

Blüete, Reiki, Fernbehandlige…
und au d Begleitig vo Tiere. 🤍

… ich freu mi sehr uf dä neui Wäg.

… uf alles, was ich lerne darf.
… uf alles, was sich zeigt.
… und uf das, was daraus no wachse und blühe darf

LäbensWärt Reis· MODUL 10/10… jetzt sind mir tatsächlich bi Modul 10 vo 10 acho…… und i dere letschte Session gaht’s für...
26/09/2026

LäbensWärt Reis· MODUL 10/10

… jetzt sind mir tatsächlich bi Modul 10 vo 10 acho…

… und i dere letschte Session gaht’s für mich vor allem um e ganz wichtige Frag:

Was bruch ich jetzt, wenn die Begleitig nüm da isch?

Was hilft mir, mich selber wieder z spüre?
Was erinnert mich a mini Wahrheit, wenn de Alltag wieder lauter wird?
Was bruchi, damit ich mich selber halte cha, au wenn öppis schwierig wird?

… denn irgendwann chunnt de Moment, wo du merkisch:

Ich bruch ned immer öpper, wo mir zeigt, was richtig isch.
Ich cha immer meh selber spüre, was für mich stimmt.

Und genau da passiert für mich als Integration.

Mir lueged zrugg uf die Reise, verankered, was sich verändert het, und entwickled dini ganz persönlechi „Landcharte“ für d’Ziit danach.

Was sind dini Anker?
Was bringt dich zrugg zu dir?
Was hilft dir, dini Wahrheit ned wieder z verlüüre?

… ned will du ab jetzt alles allei chönne muesch.

Sondern will du immer meh weisch & gspührsch:

Ich cha mich selber begleite.
Ich cha mich selber halte.
Und ich cha immer wieder zrugg zu mir.

Vo Härze
Sabina

LäbensWärt Reise • Journey 3 • MODUL 9/10…über Visione z rede, het schnell öppis vo Ziele, Plän und „Was möchtisch no al...
25/09/2026

LäbensWärt Reise • Journey 3 • MODUL 9/10

…über Visione z rede, het schnell öppis vo Ziele, Plän und „Was möchtisch no alles erreiche?“

Aber für mich gaht Vision no es bitzeli tüüfer.

Stell der vor, du luegsch am Ändi vo dim Läbe zrugg. Und villicht fragsch dich denn…

Han i wirklich so glebt, wie ich ha welle, use@ tüüfste ich?

Es git die bekannte Aussage, dass Mensche am Ändi ihres Läbe ned vor allem das bereue, was sie gmacht händ – sondern das, was sie ned gmacht händ.

Die Reise, wo sie ned gmacht hend.
De Wunsch, wo sie immer wieder uf später verschobe händ.

S’Nei, wo sie sich ned getraut händ zteile.
Oder s’Ja zu sich selber, wo viel z lang het warte müesse.

Denn mängisch wössid mer scho ganz guet, wonach mer eus tüüf i eus sehnet. Aber im Alltag wird so vieles lauter als die eigeni Stimm.

Und manchmal bruchts denn eifach öppis oder öpper, wo dich wieder i dini eigeti Kraft erinnert.

Wo dich erinnert, was dir wichtig isch. Wo du dich wieder spürsch. Und wo du afangsch, ned nur vo dim Wunschläbe z träume, sondern hüt scho chli anders z wähle.

Dini Vision isch für mich deshalb ned e perfekti Version vo dir, wo irgendwo i de Zuekunft wartet.

Sie isch öppis, wo hüt scho i dir spürbar isch und langsam meh Raum becho darf.

… möchtest aktuell uf em neuschti Stand blibe, was bi LäbensWärt so lauft und was sich grad alles bewegt? 🤍… und villich...
24/09/2026

… möchtest aktuell uf em neuschti Stand blibe, was bi LäbensWärt so lauft und was sich grad alles bewegt? 🤍

… und villicht au chli meh i mini persönligi Wält iitauche?

… denn meld dich no für min Newsletter aa…

… i de nöchste Täg git’s scho bald wieder Post vo mir… persönlich, echt und ganz nah dra. 🤍

… ich freu mi, wenn du debii bisch…

Melde dich jetzt für meinen Newsletter an. Erhalte Neuigkeiten & Infos zu meinen nächsten Veranstaltungen.

LäbensWärt REISE•JOURNEY 3•MODUL 8/10VILLICHT FANGT SELBSTVERTRAUE VIEL FRÜHER, ALS MIR DÄNKID.… i de chline Momänt, wo ...
24/09/2026

LäbensWärt REISE•JOURNEY 3•MODUL 8/10

VILLICHT FANGT SELBSTVERTRAUE VIEL FRÜHER, ALS MIR DÄNKID.

… i de chline Momänt, wo du merkisch:

Das fühlt sich für mich ned richtig aa.

Das isch mir z viel…

Da möcht ich ned hi…

Das bruchi grad…

Und statt die Wahrnehmig sofort z überrede, fängsch aa, sie ernst z neh.

Denn mir sind es oft so gewohnt, eus selber z hinterfrage, dass mir sogar für unser eigets Gefühl no en Beweis sueched. Und das suechet mer meisten usserhalb vo eus.. Zägg… Verbindig weg!

Obwohl de Körper scho längst reagiert.

…Grenze sind für mich deshalb ned primär Muure..

Sie sind Information.

Sie zeiged dir, wo du bisch.
Was für dich stimmt.
Und wo dini Energie nüm mit öppisem mitgoht.

Du muesch ned jede Grenze sofort kommuniziere.

Aber du darfst afange, sie überhaupt wieder z erkenne. Dich z erkenne, dich wahrzneh..

Denn je öfter du dini eigeti Wahrnehmig ernst nimmsch, desto meh entsteht Vertrauen.

…das Vertrauen:

Ich merke, was mit mir passiert.
Ich darf dem zuelose.
Und ich cha entscheide, was ich damit mache.

Vielleicht isch genau das de Moment, wo Grenze und Selbstvertroue zämechömid.

Du stellsch dich ned geg die andere.
Du stellsch dich wieder zu dir. 🤍

Sabina🦋

Grenzen
Selbstvertrauen
Selbstwahrnehmung

24/09/2026
LäbensWärt Reis • JOURNEY 2 · MODUL 7/10VERGEBIG ISCH FÜR VIELI VON EUS ES SCHWIERIGS THEMA.Denn wenn öpper öppis gmacht...
23/09/2026

LäbensWärt Reis • JOURNEY 2 · MODUL 7/10

VERGEBIG ISCH FÜR VIELI VON EUS ES SCHWIERIGS THEMA.

Denn wenn öpper öppis gmacht het, wo eus verletzt het, fühlt sich de Gedanke ans Vergeh manchmal fascht falsch aa.

Wie wenn mir damit würded sage:

„Es isch scho guet gsi.“
„Du hesch nüt falsch gmacht.“
Oder: „Ich mues nüm darüber rede.“

Du darfst anerkenne, dass öppis weh tah het.
Du darfst dini Grenze ha.
Du darfst Abstand halte.
Und du darfst trotzdem irgendwann entscheide, dass du das nüm länger i dir ume trage wotsch.

Denn mängisch isch de Mensch längst wiiter – aber dini Energie hängt no immer a dere Gschicht.

Ned als Gschenk für de andere.
Sondern als Gschenk für dich.

Du holsch dini Energie wieder zu dir zrugg.

Du gibsch de Vergangeheit nüm länger d Macht über dis Innen und so dini Zuekenft bestimme.
Und du machsch wieder Platz für dis Läbe hüt.

Vielleicht isch Vergebig also gar ned de Moment, i dem du öpperem verzeihsch.

Vielleicht isch es de Moment, i dem du dich selber wieder frei gibsch.

Lass d Vergangenheit nümme länger dini Zuekunft bestimme…

Sabina 🦋

Selbstvergebung
Vergebung
InnereHeilung
Persönlichkeitsentwicklung
ZurückZuDir

LäbensWärt Reis • JOURNEY 2 • Modul 6/10MANCHMAL ISCH ES NED DAS, WAS PASSIERT ISCH, WO EUS NO FESTHEBT.Sondern de Momen...
22/09/2026

LäbensWärt Reis • JOURNEY 2 • Modul 6/10

MANCHMAL ISCH ES NED DAS, WAS PASSIERT ISCH, WO EUS NO FESTHEBT.

Sondern de Moment, i dem mir entschiede hend, was das über eus usseit.

Dass mir nöed gnueg gsi sind.
Dass mir versagt hend.
Dass mir hätted stärker, vorsichtiger müesse sii.

Und so wird us dere alte Gschicht langsam so ve meh.
Ned nur über das, was passiert isch – sondern über eus selber.

Mir träge Schuld, Scham und Reue wiiter, au wenn niemert meh da isch, wo eus verurteilt.
Mir werde zu de Stimme, wo eus verletzt het.
Und wiederholet, was mir villicht scho viel z lang glaubt hend:

Ich bi selber schuld.
Ich bi ned gnueg.
Ich darf mir ned verzeihe.

Selbstvergebig heisst, dass mir ufhöred, eus für immer a de Moment i eusere Gschicht z binde.

Es heisst, dass mir anerkennet was gsie esch – ohni eus selber zum Fehler z mache.

Dass mir us de Vergangeheit lerne – ohni für immer det z blibe.

Selbstvergebig isch de Moment, i dem du ufhösch, dich selber z bestrafe – und afahsch, dich selber wieder hei z hole.

Selbstvergebu g
Selbstmitgefühl
Innerarbeit
Loslassen
InnererFrieden

Adresse

Höhenweg
Unterägeri
6314UNTERÄGERI

Telefon

+41782542600

Website

Benachrichtigungen

Erfahren Sie als Erste/r von Neuigkeiten und Aktionen: Wir schicken Ihnen eine E-Mail, wenn Läbens Wärt etwas veröffentlicht. Ihre E-Mail-Adresse wird für keinen anderen Zweck verwendet, und Sie können sich jederzeit abmelden.

Verknüpfungen

Teilen

Gesundheits- Und Schönheitsfirmen in der Nähe